ಸಲಿಂಗ ಮದ್ಮೆಗ್ ಕಾನೂನು ಮಾನ್ಯತೆ ಸರಿ ಅತ್ತ್ : ವಜ್ರದೇಹಿ ಸ್ವಾಮಿ

Last updated on April 29th, 2023 at 09:03 am

ಕುಡ್ಲ : ಸಲಿಂಗ ಮದ್ಮೆಗ್ ಸುಪ್ರೀಂ ಕೋರ್ಟ್ ಮಾನ್ಯತೆ ಮಲ್ಪರೆ ಪಿದಡಿನವು ಸರಿ ಅತ್ತ್. ಸಲಿಂಗ ಮದ್ಮೆಗ್ ಮಾನ್ಯತೆ ಕೊರುಂಡ ದೇಶದೊರ್ಮೆ ಸಾಧುಸಂತೆರ್ ಪೊರುಂಬಾಟ ಮಲ್ಪುವ ಪನ್ದ್ ಗುರುಪುರದ ವಜ್ರದೇಹಿ ಮಠತ ಶ್ರೀ ರಾಜಶೇಖರಾನಂದ ಸ್ವಾಮಿ ಪಂಡೆರ್.

ಪಾಶ್ಚಿಮಾತ್ಯ ಚಿಂತನೆಲೆರ್ದ್ ಕೆಲವೆರ್ ಭಾರತದ ಸಂಸ್ಕೃತಿನ್ ನಾಶ ಮಲ್ಪರೆ ಸಲಿಣಗ ಮದ್ಮೆದಂಚಿನ ಬೇಡಿಕೆಲೆನ್ ದೀವೊಂದುಲ್ಲೆರ್. ಸಲಿಂಗ ಮದ್ಮೆ ಭಾರತದ ಸಂಸ್ಕೃತಿ, ನಾಗರಿಕತೆಗ್ ವಿರುದ್ದವಾದುಂಡು. ಅಂಚಾದ್ ಸುಪ್ರೀಂ ಕೋರ್ಟು ಈ ವಿಷಯೊದ ಬಗೆಟ್ ಮಸ್ತ್ ಸಮಾಲೋಚನೆ ಮಲ್ತ್ ಸಲಿಂಗ ಮದ್ಮೆನ್ ಕಾನೂನುಬದ್ಧ ಮಲ್ಪರೆ ಬಲ್ಲಿ ಪನ್ದ್ ಪಂಡೆರ್.