Last updated on April 29th, 2023 at 04:17 pm
ಫಲ್ಗುಣಿ ತುದೆ ಆಜಿದ್ ಪೋಯಿನೆರ್ದಾವರ ಬೆದ್ರ ನಗರೊಗು ನೀರ್ ಕೊರ್ಪಿನ ಪುಚ್ಚಮೊಗೆರ್ ವೆಂಟೆಡ್ ಡ್ಯಾಂ ನೀರ್ದಾಂತೆ ಕಾಲಿ ಆತ್ಂಡ್. ಕಾಲಿ 3-4 ದಿನೊಕು ಆಪಿನಾತ್ ಮಾತ್ರ ನೀರ್ ಉಂಡು. ಪುರಸಭೆಟ್ ತುದೆರ್ದ್ ಕೇದ್ ದೆತ್ತ್ ನೀರ್ ಸಂಗ್ರಹ ಮಲೇಪುನ ಬೇವೆ ಮಲ್ತ್ ತಾತ್ಕಾಲಿಕ ಪರಿಹಾರ ತಿಕ್ಕ್ಂಡ್ ಆಂಡ ನನ ಒಂತೆ ದಿನೊಟು ಬರ್ಸ ಬತ್ತಿಜಿಡ ನೀರ್ಗ್ ಕ್ಷಾಮ ಆಪಿಲೆಕ್ಕ ಉಂಡು. ಈ ವರ್ಸ ಕೇನಂದಿನಾತ್ ನೀರ್ಗ್ ಬರ ತೋಜಿದ್ ಬರೊಂದುಂಡು. ಅಲ್ಪಲ್ಪ ತುಳುನಾಡ್ಗ್ ನೀರ್ ಕೊರ್ಪಿನ ತುದೆಕುಲು ಪೂರಾ ಬಚ್ಚಿದ್ ಪೋವೊಂದುಲ್ಲ.