Last updated on May 1st, 2023 at 08:13 pm
ಕೇಂದ್ರ ಸರ್ಕಾರ 14 ಮೊಬೈಲ್ ಆ್ಯಪ್‌ಲೆನ್ ಬ್ಯಾನ್ ಮಲ್ದ್ಂಡ್. ಈ ಅಪ್ಲಿಕೇಶನ್ಲೆನ್ ಜಮ್ಮು ಬೊಕ್ಕ ಕಾಶ್ಮೀರೊಡು ಜಾಸ್ತಿ ಗಲಸೊಂದಿತ್ತೆರ್. ಪಾಕಿಸ್ತಾನೊರ್ದು ಸೊಲ್ಲಂಜೊಲೆನ್ ಸ್ವೀಕರಿತ್‌ದ್ ಮುಲ್ಪ ಪಗರೆರೆ ಭಯೋತ್ಪಾದಕೆರ್ ಈ ಮೊಬೈಲ್ ಮೆಸೆಂಜರ್ ಅಪ್ಲಿಕೇಶನ್ಲೆನ್ ಗಲಸೊಂದಿತ್ತೆರ್ ಪಂದ್ ವರದಿ ಆತ್ಂಡ್. ರಕ್ಷಣಾ ಪಡೆಕುಲು, ಕಾಪು, ಗುಪ್ತಚರ ಬೊಕ್ಕ ಜಡ್ತೆ ಸಂಸ್ಥೆಲೆನ ಶಿಫಾರಸ್ದ ಮಿತ್ತ್ ಈ ಕ್ರಮ ದೆತೊಂದೆರ್.
ಜಮ್ಮು ಕಾಶ್ಮೀರದ ಭಯೋತ್ಪಾದಕೆರ್ ತನ್ಕುಲೆ ಅಂಚಿದ ಇಂಚಿದ ಜನೊಕ್ಲೆಡ ಪಾತೆರ್ಯೆರೆ ಈ ಅಪ್ಲಿಕೇಶನ್ಲೆನ್ ಗಲಸೊಂದಿತ್ತೆರ್ ಪಂದ್ ಕೆಲ ಏಜೆನ್ಸಿಲು ಜಡ್ತೆ ಮಲ್ತ್‌ದ್ ತೆರಿಪಾದ. ಈ ರಿಪೋರ್ಟ್‌ದ ಆಧಾರೊದ ಮಿತ್ತ್ ಕೇಂದ್ರ ಸರ್ಕಾರ ಈ ನಿರ್ಧಾರ ಗೆತೊಂದುಂಡು. ಈತ್ ಅತ್ತಂದೆ, ಈ ಅಪ್ಲಿಕೇಶನ್‌ಲೆಗ್ ಭಾರತೊಡು ಪ್ರತಿನಿಧಿಲು ಇಜ್ಜೆರ್. ಇತ್ತೆ ಈ ಅಪ್ಲಿಕೇಶನ್ಲೆನ್ ಮಾಹಿತಿ ತಂತ್ರಜ್ಞಾನ ಕಾಯಿದೆ, 2000 ಸೆಕ್ಷನ್ 69Aದ ಅಡಿಟ್ ಬ್ಯಾನ್ ಮಲ್ದ್ಂಡ್.
ಬೇತೆಬೇತೆ ಏಜೆನ್ಸಿಲೆನ ಮುಕೇನ, ಗೃಹ ವ್ಯವಹಾರೊಲೆನ ಸಚಿವಾಲಯ ಈ ಮೊಬೈಲ್ ಅಪ್ಲಿಕೇಶನ್‌‌ಲು ಭಯೋತ್ಪಾದಕೆರ್ ಬೊಕ್ಕ ಅಕಲ್ನ ಅಂಗಸಂಸ್ಥೆಲೆಗ್ ಭಯೋತ್ಪಾದಕ ಬೇಲೆಲೆಡ್ ಬಾರೀ ಸಕಾಯ ಮನ್ಪುನೆನ್ ನಾಡ್ದ್‌ಪತ್ತ್‌ದ್ಂಡ್.
Crypviser, Enigma, Safeswiss, Wickrme, Mediafire, Briar, BChat, Nandbox, Conion, IMO, Element, Second line, Zangi, Threema ಈತ್ ಅಪ್ಲಿಕೇಶನ್ಲೆನ್ ಕೇಂದ್ರ ಬ್ಯಾನ್ ಮಲ್ದ್ಂಡ್.