ಕಾಸ್ರೋಡ್ : ಪೋಲೀಸ್ ರೈಡ್, ತಪ್ಪಾದ್ ಬಲ್ಪುನಗ ಗುವೆಲ್‌ಗ್ ಬೂರ್ದು ಜವನೆ ಕಾಲಿ

Last updated on May 8th, 2023 at 11:06 am

ದೂದುಲ ಕಲೊಕು ಪೋಲೀಸ್ ರೈಡ್ ಆನಗ ಪೋಡಿದ್ ಬಲ್ಪುನ ಬರಸ್‌ಡ್ ಗುವೆಲ್‌ಗ್ ಬೂರುದು ಜವನೆ ಒರಿ ತೀರಿನ ನಡಕೆ ಕಾಸ್ರೋಡುದ ಎನ್ನಪ್ಪರಡ್ ನಡತ್ಂಡ್. ಕುಜಿಕ್ಕೋಲ್ ಮೂಲದ 24 ವರ್ಸದ ವಿಷ್ಣು ತೀರಿನ ಜವನೆ. ಶನಿಯಾರ ರಾತ್ರೆಗ್ ಫುಟ್ಬಾಲ್ ಗೊಬ್ಬುನೊಟ್ಟುಗು ದೂದುಲಾ ಕಟ್ಟೊಂದಿತ್ತೆರ್ ಉಂದೆಟ್ ವಿಷ್ಣುಲಾ ಪಾಲ್ ಪಡೆದಿತ್ತೆರ್. ಅವ್ವೇ ಪೊರ್ತುಗು ಪೋಲೀಸೆರ್ಲಾ ಅಲ್ಪ ಬೈದೆರ್, ಒರಾನೆ ಪೋಲೀಸ್ ರೈಡ್ ಆಯಿನ ತೂದು ಬಲ್ಪುನಗ ಕತ್ತಲೆಗ್ ಗುವೆಲ್‌ಗ್ ಬೂರಿಯೆರ್.