ಸಲಿಂಗ ಮದ್ಮೆಗ್ ಕಾನೂನುದ ಮಾನಾದಿಗೆ; ಮಲ್ಲ ತೀರ್ಪು ಕೊರಿಯರೆ ಸುಪ್ರೀಂ ಕೋರ್ಟ್ ಅಟ್ಟನೆ

Last updated on May 12th, 2023 at 09:02 am

ಸಲಿಂಗ ಮದ್ಮೆಗ್ ಕಾನೂನುದ ಮಾನ್ಯತೆ ಕೊರ್ಪಿನ ಮಲ್ಲ ತೀರ್ಪು ಕೊರಿಯರೆ ಸುಪ್ರೀಂ ಕೋರ್ಟ್ ಅಟ್ಟನೆ ಮಲ್ದ್ಂಡ್. ಸುಪ್ರೀಂ ಕೋರ್ಟುದ ಮುಖ್ಯ ನ್ಯಾಯಮೂರ್ತಿ ಡಿ.ವೈ ಚಂದ್ರಚೂಡ್, ಸಂಜಯ್ ಕಿಶನ್ ಕೌಲ್, ಎಸ್.ರವೀಂದ್ರ ಭಟ್, ಹಿಮಾ ಕೊಹ್ಲಿ, ಪಿ.ಎಸ್ ನರಸಿಂಹ ಮೊಕಲೆನ್ ಗೋಡೊನಿನ ಸಂವಿಧಾನಿಕ ಪೀಠ ಸಲಿಂಗ ಮದ್ಮೆಗ್ ಮಾನ್ಯತೆ ಕೊರ್ಪಿನ ಬಗೆಟ್ ವಾದ ಎದುರ್ವಾದ ಕೇನ್ದ್ ವಿಚಾರಣೆನ್ ಅಗತ್ ತೀರ್ಪು ಕೊರಿಯರೆ ಅಟ್ಟನೆ ಮಲ್ದೆರ್.
ಅರ್ಜಿದಾರೆರ್ನ ಪರ ವಾದ ಮಲ್ತಿನ ವಕೀಲೆ ರಾಜು ರಾಮಚಂದ್ರನ್, ಸಲಿಂಗ ಮದ್ಮೆಗ್ ಮಾನಾದಿಗೆ ಕೊರ್ಜಿಡ ಕಾನೂನುಡು ಮಾತೆರೆನ್ ಸಮಾನ ರಕ್ಷಣೆ ಮಲ್ಪುನ ಬಗೆ ನಿರಾಕರಣೆ ಆಪುಂಡು ಪನ್ದ್ ಪಂಡೆರ್. ಈ ಅರ್ಜಿನ್ ತಿರಸ್ಕಾರ ಮಲ್ತ್ಂಡ ಉಂದು ಸಮಾನತೆದ ತತ್ವನ್ ಮೀರ್ದ್ ಪೋಯಿಲೆಕ್ಕ ಆಪುಂಡು.

ಆಂಡ ಈ ಕೇಸ್ ಗ್ ಅಲ್ಪಲ್ಪ ವಿರೋಧ ಬರೊಂದುಂಡು. ಒಂಜಾರ ಸಲಿಂಗ ಮದ್ಮೆಗ್ ಮಾನಾದಿಗೆ ಕೊರುಂಡ ಉಂದೊಂಜಿ ಪರಪೋಕು ಗದ್ದಾವುನ ವಿಚಾರ ಆಪುಂಡು ಪನ್ದ್ ಆರ್ಎಸ್ಎಸ್ ದ ಅಂಗಸಂಸ್ಥೆ ಸಂವರ್ಧಿನಿ ನ್ಯೂಸ್ ಪನ್ತ್ಂಡ್.