Last updated on May 15th, 2023 at 09:42 am
ಪುತ್ತೂರು ಬಸ್ ಉಂತಡೆತ ಕೈತಲ್ ನಳೀನ್ ಕುಮಾರ್ ಬೊಕ್ಕ ಸದಾನಂದ ಗೌಡೆರ್ ಇತ್ತಿನ ಬ್ಯಾನರ್ ಪಾಡ್ದ್ ಬಿಜೆಪಿ ಹೀನಾಯ ಸೋಪರೆ ಕಾರಣಕರ್ತೆರಾಯಿನ ನಿಕಲೆಗ್ ಭಾವಪೂರ್ಣ ಶ್ರದ್ಧಾಂಜಲಿ ಪನ್ದ್ ಮುಟ್ಟುದ ಮಾಲೆ ಪಾಡ್ದಿನ ನಡಕೆ ನಡದ್ಂಡ್. ಪುತ್ತೂರು ಬಿಜೆಪಿಡ್ ಗೊಂದಲ ಸೃಷ್ಟಿ ಮಲ್ತ್ ಅರುಣ್ ಪುತ್ತಿಲ ಮೆರೆಗ್ ಟಿಕೆಟ್ ಕೊರಂದೆ, ಹಾಲಿ ಶಾಸಕೆರಾದಿತ್ತಿನ ಸಂಜೀವ ಮಠಂದೂರುಗ್ಲಾ ಟಿಕೆಟ್ ಕೊರಂದೆ ಸುಳ್ಯದ ಆಶಾ ತಿಮ್ಮಪ್ಪ ಗೌಡ ಮೆರೆಗ್ ಟಿಕೆಟ್ ಕೊರ್ತಿನ ಹಿಂದೂ ಕಾರ್ಯಕರ್ತೆರೆಗ್ ಪಿಸಿರಾದಿತ್ತ್ಂಡ್. ಅವ್ವತ್ತಂದೆ ಅರುಣ್ ಪುತ್ತಿಲೆರ್ ಸ್ವತಂತ್ರ ಅಭ್ಯರ್ಥಿಯಾದ್ ಕಲೊಕು ಜತ್ತ್ ವೀರೋಚಿತ ಸೋತೆರ್. ಬಿಜೆಪಿ ಮೂಜನೇ ಸ್ಥಾನೊಗು ಪೋದಿತ್ತ್ಂಡ್. ಇತ್ತೆ ಉಂಜೆಕ್ ಪೂರಾ ನಳೀನ್ ಕುಮಾರ್ ಬೊಕ್ಕ ಸದಾನಂದ ಗೌಡೆರ್ ನೆವನ ಪನ್ದ್ ತುಳುನಾಡೊರ್ಮೆ ಕಾರ್ಯಕರ್ತೆರ್ ಸ್ಟೇಟಸ್‌ಲೆನ್ ಪಾಡ್ದ್ ಪಿಸಿರ್ ಪಿದಯಿ ಪಾಡೊಂದುಲ್ಲೆರ್.