Last updated on May 15th, 2023 at 10:32 am
ಸಾರ್ವಜನಿಕ ಪರ್ಪುನ ನೀರ್‌ದ ಟ್ಯಾಂಕ್‌ಡ್ ಕುರಿಯೊಂದಿತ್ತಿ ಸ್ಥಿತಿಟ್ ಪುನ ಒಂಜಿ ತಿಕ್ಕಿನ ನಡಕೆ ಬೊಲ್ತೇರ್‌ದ ಕಳೆಂಜ ಗ್ರಾಮೊದ ಕಾಯರ್ತಡ್ಕ ಪನ್ಪಿನವುಲು ನಡತ್‌ದ್ಂಡ್. ಪರ್ಪಿ ನೀರ್ ಪೊಡಸ್ಸ್ ಬರೊಂದಿತ್ತಿನೆರ್ದಾವರ ಪರಿಶೀಲನೆ ಮನ್ಪುನಗ ಸಾರ್ವಜನಿಕ ಪರ್ಪುನ ನೀರ್‌ದ ಟ್ಯಾಂಕ್‌ಡ್ ಪುನ ತಿಕ್ಕ್‌ದ್ಂಡ್.
ಈ ಟ್ಯಾಂಕ್‌ರ್ದ್ ಸನಿಯಾರ ಕಾಂಡೆ ಮುಟ್ಟದಕ್ಲೆಗ್ ನೀರ್ ಕಡಪುಡ್ದ್ ಕೊರ್ದಿತ್ತ್ಂಡ್. ಆತನಗ ನೀರ್ ಪೊಡಸ್ಸ್ ಬರ್ಪಿನೆನ್ ಸಾರ್ವಜನಿಕೆರ್ ಪಂಚಾಯ್ತಿದ ಗೇನೊಗು ಕನತ್‌ದೆರ್. ಅಂಚಾದ್ ಪಂಚಾಯ್ತಿದಕುಲು ಟ್ಯಾಂಕಿಡ್ ಪೋದು ತೂನಗ ಗುರ್ತದಾಂತಿ ಜನೊತ ಪುನ ಪಾಂಬೊಂದುಪ್ಪುನ ತೋಜಿದ್‌ಬೈದ್ಂಡ್.
ಜಾಗೆಗ್ ಕುಡುಮ ಪೋಲೀಸೆರ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್. ಕಾಯರ್ತಡ್ಕದ ವೈನ್ ಶಾಪ್ ಒಂಜೆಟ್ ಬೇಲೆಗಿತ್ತಿನ ಬಡಕಾಯಿ ಭಾರತೊದ ಜನ ಒರಿ ಮೂಜಿ ದಿನೊರ್ದಿಂಚಿ ತೋಜೊಂದಿಜ್ಜೆ. ಅಂಚಾದ್ ಪುನ ಆಯನವೇ ಆದುಪ್ಪು ಪನ್ಪಿ ಅನುಮಿನ ಉಂಡಾತ್ಂಡ್. ಕುಡುಮ ಪೋಲೀಸೆರ್ ಪ್ರಕರಣ ದಾಕಲ್ ಮಲ್ತೊಂದು ಜಡ್ತೆ ಮನ್ತೊಂದುಲ್ಲೆರ್.