Last updated on August 2nd, 2022 at 07:55 pm
ಕುಕ್ಕೆಡ್ ಕೀರ್’ಕಟ್ಟ್’ದ್ ಬರೊಂದಿಪ್ಪುನ ಬರ್ಸೊಗು ದೇವಲ್ಯ ಜಲಾವೃತ ಆತ್ಂಡ್. ಕುಮಾರಧಾರ ತುದೆ ದಿಂಜಿದ್ ತಮೆಲೊಂದುಂಡು. ನನ ರಡ್ಡ್ ದಿನ ದೇವಲ್ಯೊಗು ಬರಿಯರೆ ನಿಷೇಧ ಉಂಡು. ಸುಳ್ಯದ ಪಾಕ ಜಾಗೊಲು ಬರ್ಸೊಡು ತಿಕ್ಕೊಂದು ಬೂರ್ದುಂಡು. ಏತೋ ಆಸ್ತಿಪಾಸ್ತಿ ನಾಶ ಆತ್ಂಡ್. ತಗ್ಗ್’ದ ಜಾಗೊಲೆಗ್ ಪೂರಾ ಬೊಲ್ಲ ದಿಂಜೊಂದುಂಡು. ಸುಬ್ರಹ್ಮಣ್ಯದಲ್ಪ ಇಲ್ಲದ ಮಿತ್ತ್ ಗುಡ್ಡೆ ಜರಿದ್ ರಡ್ಡ್ ಜೋಕುಲು ಅವೆತ ಅಡಿಟ್ ಬೂರ್ದೆರ್. ಎನ್ ಡಿ ಆರ್ ಎಫ್ ದಕುಲು ಬೈದೆರ್, ಆಂಡ ಅಕ್ಲೆಗ್ ಬರ್ಸ ಬೊಲ್ಲೊದ ಬರಸ್’ಡ್ ಕಜ್ಜಮಲ್ಪರೆಲಾ ಬಂಗ ಆತ್ಂಡ್.