Last updated on May 25th, 2023 at 08:02 am
ಬೊಲ್ತೇರ್: ಶಾಸಕೆ ಹರೀಶ್ ಪೂಂಜೆರ್ ಮೇ 22 ತಾನಿ ಬೊಲ್ತೇರ್‌ದ ಕಿನ್ಯಮ್ಮಯಾನೆ ಗುಣವತಿ ಅಮ್ಮ ಸಭಾಂಗಣೊಡು ಬಿಜೆಪಿ ಪಕ್ಷೊದ ಕಡೆರ್ದ್ ನಡತಿನ ಅಭಿನಂದನ ಕಾರ್ಯಕ್ರಮೊದ ಭಾಷಣೊಡು ಮುಖ್ಯಮಂತ್ರಿ ಸಿದ್ದರಾಮಯ್ಯೆರ್ 24 ಹಿಂದೂಲೆನ್ ಕೆರ್ಪಾದೆರ್ ಪಂದ್ ವಿವಾದಾತ್ಮಕ ಪಾತೆರ ಪನ್ತಿನೆತ ವಿರುದ್ಧ ಪ್ರಕರಣ ದಾಕಲಾತ್ಂಡ್.
ಪೂಂಜಾನ ವಿರುದ್ಧ ಸಮ ಕಾನೂನು ಕ್ರಮ ಗೆತೊನೊಡು ಪಂದ್ ಬೊಲ್ತೇರ್ ಮಹಿಳಾ ಕಾಂಗ್ರೆಸ್ ಗ್ರಾಮೀಣ ಘಟಕೊರ್ದ್ ಬೊಲ್ತೇರ್ ಪೋಲೀಸ್ ಸ್ಟೇಷನ್ಡ್ ಒಯಿಲ್ ಕೊರ್ಯೆರ್.
ಮಹಿಳಾ ಕಾಂಗ್ರೆಸ್ ಗುರ್ಕಾರ್ದಿ ಶ್ರೀಮತಿ ನಮಿತ ಕೆ ಪೂಜಾರಿ ಕೊರ್ತಿನ ಒಯಿಲ್‌ದ ಪ್ರಕಾರ ಶಾಸಕೆ ಹರೀಶ್ ಪೂಂಜಾ ಬೊಕ್ಕ ಅಧ್ಯಕ್ಷೆ ಜಯಂತ್ ಕೋಟ್ಯಾನ್ ವಿರುದ್ಧ ಐಪಿಸಿ ಸೆಕ್ಷನ್ 153, 153A, 505ದ ಪ್ರಕಾರ ಬೊಲ್ತೇರ್ ಸ್ಟೇಷನ್ಡ್ ಪ್ರಕರಣ ದಾಕಲಾತ್ಂಡ್.