Last updated on May 31st, 2023 at 05:50 pm
ಕುಡ್ಲ, ಮೇ 31: ದಕ್ಷಿಣ ಕನ್ನಡ ಎಸ್ಪಿ ವಿಕ್ರಮ್ ಅಮಟೆ ಮೇರ್ ಉಸಾರ್‌ದಾಂತಿನೆರ್ದ್ ರಜೆ ಗೆತೊಂದಿನೆರ್ದಾವರ ಆ ಜಾಗೆಗ್ ಐಪಿಎಸ್ ಅಧಿಕಾರಿ ಸಿ.ಬಿ ರಿಷ್ಯಂತ್‌ರೆಗ್ ಪ್ರಭಾರ ಎಸ್ಪಿಯಾದ್ ಸರ್ಕಾರ ಜಬದ್ದರಿ ಕೊರ್ತುಂಡು.
ದಾವಣಗೆರೆ ಜಿಲ್ಲಾ ಎಸ್ಪಿ ಆದಿತ್ತಿನ ಸಿಬಿ ರಿಷ್ಯಂತ್‌‌ರೆನ್ ಚುನಾವಣೆ ಇತ್ತಿನೆರ್ದಾವರ ಬೆಂಗ್ಳೂರ್‌ದ ಡಿ.ಜಿ ಕಚೇರಿಡ್ ನೇಮಕ ಆದಿತ್ತೆರ್. ಇತ್ತೆ ದ.ಕ. ಎಸ್ಪಿ ರಜೆಟ್ ಇಪ್ಪುನೆರ್ದಾವರ, ರಿಷ್ಯಂತ್ ಮೆರೆಗ್ ಪ್ರಭಾರ ಜಬದ್ದರಿ ಕೊರ್ತೆರ್.
ಸಿ.ಬಿ ರಿಷ್ಯಂತ್ 2013ನೇ ಬ್ಯಾಚ್ ಕರ್ನಾಟಕ ಕೇಡರ್ ಐ ಪಿ ಎಸ್ ಅಧಿಕಾರಿ. ಬೆಂಗ್ಳೂರ್‌ ನಿವಾಸಿಯಾದುಪ್ಪುನ ಮೇರ್ ಉ್ಂದೆಕ್ ದುಂಬು ಪುತ್ತೂರ್‌ಡ್ ಎಎಸ್ಪಿಯಾಗಿ ಬೇಲೆ ಮಲ್ದೆರ್. ಬಾಗಲಕೋಟೆ, ದಾವಣಗೆರೆ, ಮೈಸೂರ್ ಜಿಲ್ಲೆಲೆಡ್ ಎಸ್ಪಿಯಾದ್ ಬೇಲೆ ಮಲ್ದೆರ್. ಇತ್ತೆ ದ.ಕ. ಜಿಲ್ಲಾ ಪ್ರಭಾರ ಎಸ್.ಪಿ.ಯಾಗಿ ಸರಕಾರ ಅದೇಶ ಕೊರ್ತುಂಡು.