Last updated on May 31st, 2023 at 07:41 pm
ಪುತ್ತೂರು: ಕುಡ್ಲ ಜಿಲ್ಲೆದ 16 ಕಡೆಟ್ ಇನಿ ಕಾಂಡೆ ಕಾಂಡೆ ಎನ್ಐಎ ಅಧಿಕಾರಿಲು ದಾಳಿ ಮಲ್ದಿತ್ತೆರ್. ಪುತ್ತೂರ್‌ಡ್ ನಾಲ್ ಜನೊನು ಎನ್ಐಎ ಅಧಿಕಾರಿಲು ವಶೊಕು ಗೆತೊಂದೆರ್ ಪಂದ್ ತೆರಿದ್‌ಬೈದ್ಂಡ್.
ಮಹಮ್ಮದ್ ಹ್ಯಾರೀಸ್ ಕುಂಬ್ರ (32), ಸಜ್ಜದ್ ಹುಸೈನ್ ಕೋಡಿಂಬಾಡಿ (37), ಫೈಜಲ್ ಅಹಮ್ಮದ್ ತಾರಿಗುಡ್ಡೆ, ಸಂಶುದ್ದೀನ್ ಕೂರ್ನಡ್ಕ ಪನ್ಪಿನಕಲೆನ್ ವಶೊಕು ಗೆತೊಂದೆರ್ ಪಂದ್ ವರದಿಯಾತ್ಂಡ್.
ಬಂಟ್ವಾಳ, ಬೊಲ್ತೇರ್, ಉಬಾರ್, ವೇಣೂರು ಸೇರ್ದ್ 16 ಕಡೆಟ್ ಇಲ್ಲ್, ಕಚೇರಿಲೆನ ಮಿತ್ತ್ ದಾಳಿ ಮಲ್ತ್‌ದ್ ಪರಿಶೀಲನೆ ಮಲ್ದೆರ್.
ವಿಧ್ವಂಸಕ ಕೃತ್ಯ ಮನ್ಪೆರ ಅಟ್ಟನೆ ಮಲ್ತೊಂದಿತ್ತೆರ್ ಪನ್ಪಿ ಆರೋಪದ ಮಿತ್ತ್ NIA ಅಧಿಕಾರಿಲು ಜಡ್ತೆ ಮಲ್ತೊಂದುಲ್ಲೆರ್.
ಹವಾಲಾ ಫಂಡಿಂಗ್, ಭಯೋತ್ಪಾದಕ ಕೃತ್ಯೊಲೆಗ್ ಗಲ್ಫ್ ರಾಷ್ಟ್ರೊಲೆರ್ದ್ ಹವಾಲಾ ಕಾಸ್ ಗಲಕೆ ಆವೊಂದುಂಡು ಪನ್ಪಿ ಇಸಯೊಡು ದಾಳಿ ಮಲ್ತ್‌ದೆರ್ ಪಂದ್ ಪನೊಂದುಲ್ಲೆರ್. ಈ ಬಗ್ಗೆ ಎಚ್ಚಿನ ಒಲವು ನನ ಬರೊಡಿತೆ. ಇಂಚಿಪ್ಪೊಗು ಒಂತೆ ಜನನ್ ಹವಾಲಾ ವಿಚಾರೊಡು ಅರೆಸ್ಟ್ ಮಲ್ದಿತ್ತೆರ್.