Last updated on June 1st, 2023 at 09:10 am
ಇನಿ ಮದಿಮೆ ಆವರೆ ಇತ್ತಿನ ಆನ್ ಒರಾನೆ ತಪ್ಪಾಡ್ದ್ ಪೋಯಿನ ನಡಕೆ ಕುಡ್ಲದ ಕೊಣಾಜೆ ಠಾಣೆದ ವ್ಯಾಪ್ತಿದ ತೌಡುಗೋಳಿದ ವರ್ಕಾಡಿ ಪನ್ಪಿನಲ್ಪ ನಡದ್ಂಡ್. ಅಂಗಾರೆ ಬಯ್ಯಡ್ ಮದಿರೆಣಗಿದ ಲೇಸ್ ಗ್ ಅಟ್ಟನೆ ಆದ್ ಫಲವಸ್ತು ಕನವರೆ ಪೋತಿನ ಆನ್ ಪಿರ ಬರಂದಿನ ಇತ್ತೆ ಇಲ್ಲದಕಲೆಗ್ ಪೋಡಿಗೆಗ್ ನೆವನ ಆತ್ಂಡ್. ವರ್ಕಾಡಿ ದೇವಂದಪಡ್ಪುದ ಉದ್ಯಮಿ ಐತಪ್ಪ ಶೆಟ್ರೆನ ಮಗೆ ಕಿಶನ್ ಶೆಟ್ಟಿ ತಪ್ಪಾಡ್ದ್ ಪೋತಿನಾರ್. ಮೆರೆಗ್ ಇನಿ ಪನ್ಡ ಜೂನ್ 1ಕ್ಕ್ ಮದ್ಮೆ ನಕ್ಕಿ ಆದಿತ್ತ್ಂಡ್. ಅಂಗಾರೆ ಮದ್ಯಾಹ್ನ ಸ್ಕೂಟರ್ ಪತೊಂದು ಪೋತಿನ ಕಿಶನ್, ದೇರಲಕಟ್ಟೆದಲ್ಪ ಪೋಲೀಸ್ ಮೂಲಕ ಪ್ರಕಾರ ಅರ್ಧ ಗಂಟೆ ಎರೆಡನೋ ಫೋನ್ ಡ್ ಪಾತೆರ್ದೆರ್ಗೆ. ಅವೆರ್ದ್ ಬೊಕ್ಕ ಆನನ ಪತ್ತೆ ತಿಕ್ಕೊಂದಿಜ್ಜಿ. ಕೊಣಾಜೆ ಪೋಲೀಸ್ ಸ್ಟೇಷನ್ ಡ್ ಕಿಶನ್ರೆನ ಅಮ್ಮೆರ್ ಕೊರ್ತಿನ ಒಯಿಲ್ ದ ಪ್ರಕಾರ ಪೋಲೀಸೆರ್ ನಾಡೊಂದುಲ್ಲೆರ್.