Last updated on June 2nd, 2023 at 11:34 am
ಕುಡ್ಲದ ಲಕ್ಷ್ಮಿ ಮೆಮೋರಿಯಲ್ ಕಾಲೇಜ್‌ಡ್ ಬಿಎಸ್ಸಿ ನರ್ಸಿಂಗ್ ಕಲ್ತೊಂದಿತ್ತಿನ ವಿದ್ಯಾರ್ಥಿನಿಯೊರ್ತಿ ಒರಾನೆ ಅನಾರೋಗ್ಯೊರ್ದು ತೀರ್‌ದ್ ಪೋತಿನ ನಡಕೆ ಕಡಬ ತಾಲೂಕ್‌ದ ರೆಂಜಿಲಾಡಿ ಗ್ರಾಮೊದ ನಿಡ್ಮೇರ್ ಪನ್ಪಿನಲ್ಪ ನಡತ್‌ದ್ಂಡ್.
ರೆಂಜಿಲಾಡಿದ ನಿಡ್ಮೇರ್ ನಿವಾಸಿ ರವೀಂದ್ರೆರೆನ ಮಗಲ್ ಕು.ರಶ್ಮಿತಾ (18) ತೀರ್ದಿನ ವಿದ್ಯಾರ್ಥಿನಿ.
ತೀರ್ದಿನ ರಶ್ಮಿತಾ ಕೆಲ ದಿನೊರ್ದು ದುಂಬು ಉಸಾರ್‌ದಾಂತೆ ಇತ್ತಿನೆರ್ದಾವರ ಕುಡ್ಲದ ಖಾಸಗಿ ಆಸ್ಪತ್ರೆಡ್ ಮರ್ದ್ ಮಲ್ತೊಂದಿತ್ತೆರ್. ವೈದ್ಯಕೀಯ ಪರೀಕ್ಷೆಡ್ ಒವ್ವೇ ಸಮಸ್ಯೆ ತೋಜಿದ್ ಬತ್ತಿಜ್ಜಂಡ್.
ಆಂಡ ಉಸಾರಾದಿತ್ತಿನ ರಶ್ಮಿತಾ ಕೋಡೆ ರಾತ್ರೆ 10.30 ಕ್ಕ್ ಒರರ್ದ್ ಒರಾನೆ ಕುಸ್ಕ್‌ದ್ ಬೂರ್ದ್ ಪೆರಣ ಬುಡ್ತೆರ್. ರಶ್ಮಿತಾ ತೀರ್ದಿನೆರ್ದಾವರ ಕಾಲೇಜ್‌ಡ್ ರಶ್ಮಿತಾನ ಬ್ಯಾಚ್‌ದ ವಿದ್ಯಾರ್ಥಿಲೆಗ್ ರಜೆ ಘೋಷಣೆ ಮಲ್ದೆರ್. ಕಣ್ಣೆದುರೇ ಬಲತ್ ಮಲ್ಲಾದ್ ಉಂತಿನ ತನ್ಕುಲೆ ಮೋಕೆದ ಬಾಲೆನ್ ಕಲೆವೊಂದಿನ ಅಪ್ಪೆ ಅಮ್ಮನ ಬುಲಿಪು ತೂವರೆಗಾವೊಂದಿಜ್ಜಿ.