Last updated on June 16th, 2023 at 04:14 pm
ಉಜಿರೆದ ವಿದ್ಯಾರ್ಥಿನಿ ಸೌಜನ್ಯ ಅತ್ಯಾಚಾರ ಬೊಕ್ಕ ಕೊಲೆ ಪ್ರಕರಣೊಗು ಬೆಂಗ್ಳೂರ್ ಸಿಬಿಐ ಕೋರ್ಟ್ 11 ವರ್ಸ ಕರಿದ್ ತೀರ್ಪು ಕೊರ್ದು, ಆರೋಪಿ ಸಂತೋಷ್ ರಾವ್‌‌ನ್ ದೋಷಮೂಕ್ತ ಮಲ್ದ್ಂಡ್. ಆ ಜನತ ವಿರುದ್ಧ ಸಂದಾದಿನ ಸಾಕ್ಷ್ಯಾಧಾರೊಲು ಕಮ್ಮಿ ಇಪ್ಪುನ ನೆವನ ಕೊರ್ದು ಆರೋಪಿನ್ ದೋಷಮುಕ್ತ ಮಲ್ದ್ಂಡ್ ಪಂದ್ ನ್ಯಾಯಮೂರ್ತಿ ಸಿಬಿ ಸಂತೋಷ್ ತೆರಿಪಾದೆರ್.
ಉಜಿರೆ ಎಸ್.ಡಿ.ಎಂ ಕಾಲೇಜ್‌ದ ವಿದ್ಯಾರ್ಥಿನಿ ಆದಿತ್ತಿನ ಸೌಜನ್ಯನ ಮಿತ್ತ್ ಅತ್ಯಾಚಾರ ಮಲ್ತ್‌ದ್ ಕೆರ್ದಿತ್ತೆರ್. 2012ರ ಅಕ್ಟೋಬರ್‌ 10 ತಾನಿ ಕುಡುಮದ ಮಣ್ಣಸಂಕದಲ್ಪ ಸೌಜನ್ಯನ ಪುಣ ತಿಕ್ಕ್‌ದಿತ್ತ್ಂಡ್. ಪ್ರಕರಣೊಡು ಆರೋಪಿ ಸಂತೋಷ್ ರಾವ್ ಪನ್ಪಿನಾಯನ್ ಬೊಲ್ತೇರ್ ಪೊಲೀಸೆರ್ ಕೈದ್ ಮಲ್ತಿತ್ತೆರ್. ಪೊಲೀಸೆರ್ ಸಮ ಜಡ್ತೆ ಮಲ್ತೊಂದಿಜ್ಜೆರ್ ಪನ್ಪಿ ಆರೋಪೊಲಾ ಕೇಂದ್ ಬತ್ತಿತ್ತ್ಂಡ್. ಅಂಚಾದ್ ಕೆಲ ಪೊರ್ಮ್ಬಾಟೊಲೆರ್ದ್ ಬೊಕ್ಕ ಪ್ರಕರಣೊನು ಸಿಬಿಐಗ್ ಕೊರ್ದಿತ್ತೆರ್. ಇತ್ತೆ 11 ವರ್ಸ ಕರಿಯೊಂದು ಬತ್ತಿನೇ ಸಿಬಿಐ ಕೋರ್ಟ್ ಅಂತಿಮ ತೀರ್ಪು ಕೊರ್ತುಂಡು.
ಈ ಪಾಪದ ಪೊಣ್ಣು ಬಾಲೆದ ಜೀವನೊಗು ಸೂ ಕೊರ್ನ ಅಪರಾಧಿ ಏರ್ ಪನ್ಪಿನವು ನನಲಾ ಸದುದಾಂತಿ ಕೇನ್ಪಾದೆ ಒರಿದ್ ಪೋತುಂಡು.