Last updated on June 17th, 2023 at 09:57 am
ಕಾರ್ತೆಲ್‌ಡ್ ಸುರುವಾವೊಡಿತ್ತಿನ ಬೆನ್ನಿ ಬರ್ಸ ದಾಂತೆ ಆಟಿದಾಂಡಲಾ ಬಿತ್ತ್ ಪಾಡರೆ ಆಂಡ ಯಾವು ಪನ್ಪಿನ ಪರಿಸ್ಥಿತಿಗ್ ಬೈದ್ಂಡ್. ಜೂನ್ ತಿಂಗೊಲು ಅಗತೊಂದು ಬತ್ತ್ಂಡಲಾ ಬರ್ಸದ ಮೂರಿ ನನಲ ಮೂಡುದುಜಿ. ಬರ್ಸ ದಾಂತೆ ಗುವೆಲ್, ಕೆದು, ಕಲೊಕುಲೆಡ್ ನೀರ್ ಆಜಿದ್ ದಿನೊರ್ದು ದಿನ ತುಳುನಾಡೊರ್ಮೆ ನೀರ ಕುಂದೆಲ್ ತೋಜೊಂದುಂಡು. ಉಂದೆತ ನಡುಟು ಅಪಗಪಗ ಕರೆಂಟ್‌ಲಾ ದೆತ್ತ್ ತುಳುವೆರೆ ಪಿಸಿರ್ ನೆತ್ತಿಗ್ ಏರುಲೆಕ್ಕ ಆತ್ಂಡ್. ಮುಲ್ಕಿ, ಸುರತ್ಕಲ್, ಒಡಿಪುದ ಜಾಗೆಲೆಡ್ ದಿನೊಕು ನಾಲ್ ಐನೇ ಸಲ ಆಂಡಲಾ ಕರೆಂಟ್ ದೆಪ್ಪುವೆರ್. ಒಂತೆ ಮುಗಲ್ ಆಂಡ, ಒಂತೆ ಗಾಳಿ ಬತ್ತ್ಂಡ ರಪಕ್ಕ ಕರೆಂಟ್ ಪೋಪುಂಡು. ಬರ್ಸನೇ ದಾಂತೆ ಇಂಚ ಆನಗ ಜನಕುಲು ಪಿಸಿರಾವಂದೆ ಕುಲ್ಲೆರಾ?