Last updated on August 15th, 2023 at 06:44 pm
ಕುಡ್ಲ: ಪಣಂಬೂರು ಸ್ಟೇಷನ್ ಸೀಮೆದ ಬೈಕಂಪಾಡಿ ಮೀನಕಳಿಯದ ರೈಲ್ವೆ ಟ್ರಾಕ್‌ದಲ್ಪ ಸಾರ್ವಜನಿಕ ಜಾಗೆಡ್ ಅಕ್ರಮ ಜುಗಾರಿ ಅಂದರ್ – ಬಾಹರ್ ಗೊಬ್ಬೊಂದಿತ್ತಿನಡೆ ಕುಡ್ಲ ಸಿಸಿಬಿ ಪೊಲೀಸರು ದಾಳಿ ಮಲ್ತ್‌ದ್ 11 ಜನೊನು ಸನಿಯಾರ(ಜೂನ್ 17) ಕೈದ್ ಮಲ್ದೆರ್.
ಪತ್ತ ಒಲವು ಇತ್ತಿನ ಕುಡ್ಲ ಸಿಸಿಬಿ ಪೊಲೀಸೆರ್ ದಾಳಿ ಮಲ್ತ್‌ದ್ ಮೊಹಮ್ಮದ್ ಹನೀಫ್(36),ಅನಿಲ್ ಕುಮಾರ್(40), ರಾಮಣ್ಣ ಕವಡಿಮಟ್ಟಿ(31),ರಾಮಪ್ಪ ಲಮಾಣಿ(38), ಮನೋಹರ್(53), ನಾಗರಾಜೆ(42),ಸತೀಶ್ (36), ಹಸೇನಾರ್(55), ಟಿ.ಎಂ.ಮರಿಯಪ್ಪೆ(41), ಮುರ್ತುಜಾ ಚಕಣಿ(38) ಬೊಕ್ಕ ಶಶಿ ದೇವಾಡಿಗ(52) ಪನ್ಪಿನಕಲೆನ್ ಪತ್ತ್‌ದೆರ್.
ಗೊಬ್ಬುಗು ಗಲಸೊಂದಿತ್ತಿನ 14,420 ರೂ. ಪಣವು, ಇಸ್ಪೀಟ್ ಕಾರ್ಡ್‌ಲು ಅಂಚೆನೇ ಬೇತೆ ಸೊತ್ತುಲೆನ್ಲಾ ವಶೊಕು ಗೆತೊಂದೆರ್. ಈ ಬಗ್ಗೆ ಪಣಂಬೂರು ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್. ಕಾರ್ಯಾಚರಣೆಡ್ ಸಿಸಿಬಿ ಘಟಕೊದ ಎಸಿಪಿ ಪಿ ಎ ಹೆಗಡೆ, ಪೊಲೀಸ್ ನಿರೀಕ್ಷಕೆ ಶ್ಯಾಮ್ ಸುಂದರ್ ಹೆಚ್ ಎಂ, ಪಿಎಸ್ಐ ರಾಜೇಂದ್ರ ಬಿ, ಸುದೀಪ್ ಎಂ ವಿ, ಶರಣಪ್ಪ ಭಂಡಾರಿ ಅಂಚೆನೇ ಸಿಸಿಬಿ ಸಿಬ್ಬಂದಿಲು ಇತ್ತೆರ್.