Last updated on August 15th, 2023 at 06:43 pm
ಖಿನ್ನತೆರ್ದ್ ನರಲೊಂದಿತ್ತಿನ ಕೇರಳದ ಜವನೆ ಒರಿ ನಾಪತ್ತೆ ಆದಿತ್ತೆ. ಕುಡ್ಲಡ್ ಮಾನಸಿಕ ಅಸ್ವಸ್ಥೆ ಆದ್ ತಿರ್ಗೊಂದಿತ್ತೆ. ಈ ಜವನನ್ ತೂಯಿನ ವೈಟ್ ಡೌಸ್ ಸಂಸ್ಥೆ, ಆಯಗ್ ಮರ್ದ್ ಮಲ್ತ್‌ದ್ ಸಮ ಮಲ್ತ್‌ದ್ ಇಲ್ಲ್ ಸೇರುಲೆಕ ಮಲ್ದೆರ್.
ಕೇರಳದ ಕೊಟ್ಟಾಯಂ ಜಿಲ್ಲೆದ ಚಂಗನಶ್ಶೇರಿ ತ್ರಿಕೋಡಿನಂದ ಮೇಘರಾಜ್ ಪನ್ಪಿನಾಯನ ಕತೆ ಉ್ಂದು. 27 ವರ್ಸ ಪ್ರಾಯೊದ ಮೇಘರಾಜ್ 2022ತ ನವೆಂಬರ್‌ಡ್ ಕೇರಳದ ತನ್ನ ಇಲ್ಲಲ್ದ್ ನಾಪತ್ತೆಯಾದಿತ್ತೆ. ಆಯನ್ ನಾಡ್‌ದ್ ನಾಡ್‌ದ್ ಬಚ್ಚಿನ ಇಲ್ಲದಕುಲು ಕೊಟ್ಟಾಯಂದ ತ್ರಿಕೋಡಿನಂ ಪೊಲೀಸ್ ಸ್ಟೇಷನ್‌ಡ್ ನಾಪತ್ತೆ ಒಯಿಲ್ ದಾಕಲಿತ್‌ದಿತ್ತೆರ್.
ಮರ್ದ್ ಸಮ ನಡತಿನೇ ಗುಣ ಆತಿನ ಮೇಘರಾಜ್ ತನ್ನ ಊರ್‌ದ ಪುದರ್ ಪಂಡೊಂದೆರ್. ವೈಟ್ ಡೌಸ್ ಸಂಸ್ಥೆದ ಸಿಬ್ಬಂದಿಲು ತ್ರಿಕೋಡಿನಂ ಪೊಲೀಸ್ ಸ್ಟೇಷನ್‌ದಕಲೆಡ ಪಾತೆರ್ನಗ ಈ ಜನ ನಾಪತ್ತೆ ಆತಿನೆತ ಬಗ್ಗೆ ದಾಕಲಾತಿನ ಒಯಿಲ್‌ದ ಬಗ್ಗೆ ತೆರಿಪಾದೆರ್. ತ್ರಿಕೋಡಿನಂ ಪೊಲೀಸ್ ಠಾಣೆದ ಪೊಲೀಸ್ ಇನ್ಸ್‌ಪೆಕ್ಟರ್ ಅನ್ಸಾರಿ, ಪೊಲೀಸ್ ಸಿಬ್ಬಂದಿ ಸೆಲ್ವರಾಜ್, ಮೇಘರಾಜ್‌ನ ಪಲಯೆ ತಾರನಾಥ್, ಪಲಯನ ಪಾಸಾಡಿ ಶ್ಯಾಮ್ ಜಿತ್, ಬಿನ್ನೆ ಕಣ್ಣನ್ ಮೊಕುಲು ಇಂದು ವೈಟ್ ಡೌಸ್ ಸಂಸ್ಥೆಗ್ ಬತ್ತ್‌ದ್ ಮೇಘರಾಜ್‌ನ್ ಲೆತೊಂದುಪೋತೆರ್.