Last updated on August 15th, 2023 at 06:42 pm
ಹೆಬ್ರಿ: ಜಾಗೆದದ ಲಡಾಯಿದ ಪಗೆಟ್ ಬರಿತ ಇಲ್ಲದ ನಾಯಿಗ್ ಬೆಡಿ ಆಕ್‌ದ್ ಕೆರ್ದ್, ಇಲ್ಲದಕುಲೆಗ್ ಜೀವಬೆದರಿಕೆ ಪಾಡ್ದಿನ ನಡಕೆ ಹೆಬ್ರಿಡ್ ನಡತ್‌ದ್ಂಡ್.
ಪೆರ್ಡೂರು ಗ್ರಾಮೊದ ಅಲಂಗಾರ್ ಅಂತುಬೊಟ್ಟುಡು ಜಾಗೆದ ಲಡಾಯಿದ ನೆವನೊಡು ರಾಜೇಂದ್ರ ಪ್ರಸಾದ್ ಶೆಟ್ಟಿ ಪನ್ಪಿನಾಯೆ ಬರಿತ ಇಲ್ಲದ ನಾಯಿನ್ ಬೆಡಿ ಆಕ್‌ದ್ ಕೆರ್ತೆ. ಈ ಬಗೆಟ್ ಕೇನರೆ ಪೋತಿನಕಲೆನ್ ನಿಕ್ಲೆನ್ಲಾ ಕೆರ್ಪೆ ಪಂದ್ ಬೆದರಿಕೆ ಪಾಡ್ದೆ ಪಂದ್ ಭಾರತಿ ಸುಧಾಕರ ಪೂಜಾರಿ ಪನ್ಪಿನಾರ್ ಪೆರಿಯಡ್ಕ ಸ್ಟೇಷನ್‌ಡ್ ಒಯಿಲ್ ಕೊರ್ತೆರ್.
ಜೂ. 13ತಾನಿ ಕಾಂಡೆ ರಾಜೇಂದ್ರ ಪ್ರಸಾದ್ ಶೆಟ್ಟಿನ ಜಾಗೆಗ್ ತಿರ್ಗೊಂದು ಪೋತಿನ ಬರಿತಿಲ್ಲದ ನಾಯಿನ್ ತನಡುಪ್ಪುನ ಬೆಡಿಟ್ ಗುಂಡು ರಾಪಾದ್ ಕೆರ್ಯೆರ ತೂತೆ. ಪೆಟ್ಟಾತಿನ ನಾಯಿ ಅಲ್ಪದ ಕಂಡೊಡು ಸಯ್ಯಂದೆ ಬದ್ಕಂದೆ ನರಲ್ದ್ ನರಲ್ದ್ ಪೆರಣ ಬುಡ್ತ್ಂಡ್. ಈ ಬಗ್ಗೆ ರಾಜೇಂದ್ರ ಪ್ರಸಾದ್ ಶೆಟ್ಟಿಡ ಕೇನ್ರ ಪೋನಗ ಇನಿ ಕಾಲಿ ನಾಯಿನ್ ಕೆರ್ತೆ, ನನ ಏರೆನ್ಲಾ ಬುಡ್ಪುಜಿ, ನಿಕ್ಲೆನ್ಲಾ ಕೆರ್ದ್ ಕೌಂಪುವೆ ಪಂಡ್‌ದ್ ಪೋಡಿಕಟ್ಟಾದೆ ಪಂದ್ ಭಾರತಿ ಸುಧಾಕರ ಪೂಜಾರಿ ಪೆರಿಯಡ್ಕ ಪೊಲೀಸ್ ಸ್ಟೇಶನ್‌ಡ್ ಒಯಿಲ್ ಕೊರ್ತೆರ್.
