ಕುಡ್ಲದ ಚರಂಡಿ ಗುದ್ದೊಂದು ತಮೆಲುನೆನ್ ಬೇಗ ಸಮ ಮಲ್ಪುಲೆ : ಕುಡ್ಲ ನಗರ ಪಾಲಿಕೆ ಪದುಕೆರ್

Last updated on August 15th, 2023 at 06:40 pm

ಕುಡ್ಲ ನಗರ ಪಾಲಿಕೆದ ಗಡುತುಲಾಯಿ ಉಪ್ಪುನ ಸುಮಾರ್ ಚರಂಡಿಲು ದಿಂಜಿದ್ ತಮೆಲೊಂದು, ತಾದಿಲೆಡ್ ವಾಸನೆ ದಿಂಜಿನವು ಇತ್ತೆ ಮಲ್ಲ ಮಂಡೆ ಬೆಚ್ಚ ಆತ್ಂಡ್. ಬುದಾರ ನಡತಿನ ಕೌನ್ಸಿಲ್ ಮೀಟಿಂಗ್‌ಡ್ ಪಾಲಿಕೆದ ಪದುಕೆರಾಯಿನ ಅಬ್ದುಲ್ ರವುಫ್, ಪ್ರವೀಣ್ ಚಂದ್ರ ಆಳ್ವ, ಸುಧೀರ್ ಶೆಟ್ಟಿ ಮೊಕುಲು ಪಾತೆರ್ದ್ ಚರಂಡಿಲು ತಮೆಲ್‌ದ್ ಅಲ್ಪ ಉಪ್ಪುನ ಇಲ್ಲದಕಲೆಗ್ ಮಸ್ತ್ ಅಡಚನೆಲು ಆವೊಂದುಂಡು, ಕೆಎಸ್‌ಆರ್‌ಟಿಸಿ ಬಸ್‌ಸ್ಟಾಂಡ್‌ದಲ್ಪದ ಚರಂಡಿ ಏತೋ ದಿನೊರ್ದಿಂಚಿ ತಮೆಲೊಂದುಂಡು, ಉಂದೆರ್ದ್ ಅಂಚಿಂಚಿ ಪೋಪಿನಕಲೆಗ್ ತೊಂದರೆ ಆತ್ಂಡ್ ಪನ್ದ್ ಪಂಡೆರ್.
ಉಂದೆಕ್ ಸದು ಕೊರಿನ ಅಧಿಕಾರಿಲು ಸದುಟು ಕಾಂಟ್ರಾಕ್ಟರ್‌ನ ಮಿತ್ತ್ ದೆರ್ತ್ ಪಾಡಿಯೆರ್. ಕಾಂಟ್ರಾಕ್ಟ್ ದೆತೊಂದು ಮಲ್ಪಂದಿನೆತ್ತಾವರ ಕಾಂಟ್ರಾಕ್ಟರ್‌ನ ಕಾಂಟ್ರಾಕ್ಟ್ ಉಂತಾದ ಪಂಡೆರ್. ಇತ್ತೆ ಸದ್ಯೊಗು ಸಮ ಮಲ್ಪುಲೆಕ್ಕ ಚರಂಡಿದ ಲೈನ್‌ನ್ ಚಂಡಿಗುಂಡಿಗ್ ಗೋಡ್ಯಾವ ಪಂಡೆರ್.