ರಾಜ್ಯ ಸರ್ಕಾರ ಹಿಂದೂ ವಿರೋಧಿ ನೀತಿಲೆನ ಕೈಬುಡ್ಜಿಂಡ ಉಪವಾಸ ಸತ್ಯಾಗ್ರಹ: ತುಳುನಾಡ ಸ್ವಾಮೀಜಿಲು

Last updated on August 3rd, 2023 at 08:28 pm

ರಾಜ್ಯ ಸರ್ಕಾರ ಹಿಂದೂ ವಿರೋಧಿ ನೀತಿಲೆನ್ ಕೈ ಬುಡ್ಜಿಂಡ ಉಪವಾಸ ಸತ್ಯಾಗ್ರಹ ಮನ್ಪುವ ಪಂದ್ ಒಡಿಯೂರು ಗುರುದೇವಾನಂದ ಸ್ವಾಮಿಲು ಬೊಕ್ಕ ಗುರುಪುರ ವಜ್ರದೇಹಿ ಸ್ವಾಮಿಲು ಪಂತೆರ್.

ಕಾಂಗ್ರೆಸ್ ಹಿಂದೂ ವಿರೋಧಿ ನಡಕೆದ ವಿರುದ್ಧ ಕುಡ್ಲಡ್ ಧರ್ಮ ಸಭೆ ವಿಚಾರ ನಡತಿ ಬೊಕ್ಕ ಸುದ್ದಿಗೋಷ್ಠಿ ಉದ್ದೇಶಿತ್‌ದ್ ಪಾತೆರ್ನ ಸ್ವಾಮಿಲು, ಗೋ ಹತ್ಯೆ ನಿಷೇಧ ಕಾಯ್ದೆ ಬೊಕ್ಕ ಮತಾಂತರ ಕಾಯ್ದೆ ಪಿರ ಗೆತೊನುನ ನಿರ್ಧಾರೊನು ಪಿರ ಗೆತೊನೆರ ಆಗ್ರಹ ಮಲ್ದೆರ್.

ಈ ಕಾಯ್ದೆಲೆನ್ ಪಿರ ಗೆತೊನುನೆರ್ದ್ ಸಮಾಜೊಡು ಪೆಟ್ಟ್-ಲಡಾಯಿಲಾಪ. ಗೋ ಸಂತತಿ ಅರಿದ್ ಪೋಪ. ಉ್ಂದೊಂಜಿ ಹಿಂದೂ ವಿರೋಧಿ ನಿರ್ಣಯ. ಉ್ಂದೆತ್ತ ವಿರುದ್ಧ ಪೊರ್ಮ್ಬೆರ ಎಂಕ್ಲು ರೆಡಿ ಉಲ್ಲ. ಪಿರ ಗೆತೊಂಡಿಜೆರ್ನ್ಡ ಪೊರ್ಮ್ಬಾಟ ಮನ್ಪ . ಐಕ್‌ಲಾ ಬಗ್ಗಿಜೆರ್ನ್ಡ ಸಂತ ಸಮೂಹ ಉಪವಾಸ ಸತ್ಯಾಗ್ರಹ ಮನ್ಪುವ ಪಂದ್ ಸ್ವಾಮಿಲು ತೆರಿಪಾಯೆರ್.

ಸುದ್ದಿಗೋಷ್ಠಿಡ್ ಮಾಣಿಲ ಸ್ವಾಮಿಲು, ಕೇಮಾರ್ ಸ್ವಾಮಿಲು ಅಂಚನೇ ಬೇತೆ ಸ್ವಾಮಿಲು ಒಟ್ಟುಗು ವಿಶ್ವ ಹಿಂದೂ ಪರಿಷತ್, ಭಜರಂಗದಳ, ಆರ್‌ಎಸ್‌ಎಸ್‌ದ ಪ್ರಮುಖೆರ್ ಇತ್ತೆರ್.