Last updated on August 3rd, 2023 at 08:28 pm
ಬಂಟ್ವಾಳ: ಕಂಡನಿ ಬೊಡೆದಿ ರಡ್ಡ್ ಜನಲಾ ಒಟ್ಟುಗು ಬಲ್ಲ್ ದೆತೊನೆರೆ ಪುನೆದ್, ಗಂಭೀರ ಸ್ಥಿತಿಟಿತ್ತ್‌ದ್, ಇರ್ವೆರೆನ್ಲಾ ಆಸ್ಪತ್ರೆಗ್ ಸೇರಾದ್, ಮರ್ದ್ ಪಲಿಪಂದೆ ಕಂಡನಿ ತೀರ್ದಿನ ನಡಕೆ ವಿಟ್ಲ ಪೋಲೀಸ್ ಸ್ಟೇಷನ್ ಸೀಮೆದ ಬಾಕಿಲ ಪನ್ಪಿನಲ್ಪ ನಡತ್‌ದ್ಂಡ್.
ಅನಂತಾಡಿ ಬಾಕಿಲ ನಿವಾಸಿ ಬಸ್ ಡ್ರೈವರ್ ಪ್ರತಾಪ್ ಬೊಕ್ಕ ಆರೆನ ಬೊಡೆದಿ ವೀಣಾ ಆತ್ಮಹತ್ಯೆ ಮನ್ತೊನರ ತೂತಿನಕುಲು. ಪ್ರತಾಪ್ ಮರ್ದ್ ಪಲಿಪಂದೆ ತೀರ್ದಿನೆನ್ ಬೈದ್ಯೆರ್ ತೆರಿಪಾದೆರ್ ಪಂದ್ ಪೋಲೀಸೆರ್ ಪಂಡೆರ್.
ಇರ್ವೆರ್ಲಾ ಬಲ್ಲ್ ದೆತೊನರ ದಾದ ನೆವನ ಪಂದ್ ತೆರಿದ್‌ಬೈದಿಜಿ. ಮೊಕಲೆಗ್ ಐನ್ ವರ್ಸೊದ ರಡ್ಡ್ ಅಮರ್ ಜೋಕುಲುಲ್ಲ. ಇಲ್ಲದ ಎದುರು ಗೊಬ್ಬೊಂದಿತ್ತಿನ ಜೋಕುಲು ಉಲಯಿ ಬತ್ತ್ ತೂದು, ಬರಿತಿಲ್ಲದಕ್ಲೆಗ್ ತೆರಿಪಾದೆರ್ .
ಅಪಗನೇ ಪುತ್ತೂರ್‌ದ ಖಾಸಗಿ ಆಸ್ಪತ್ರೆಗ್ ಸೇರ್ಪಾದ್, ಐಸಿಯುಡ್ ದೀದ್ ಮರ್ದ್ ಮಲ್ದೆರ್. ಆಂಡ ಪ್ರತಾಪ್ ಮರ್ದ್ ಪಲಿಪಂದೆ ತೀರ್ಯೆರ್ನ್ಡ, ವೀಣಾನ್ ಎಚ್ಚಿನ ಮರ್ದ್‌ಗ್ ಕುಡ್ಲಗ್ ಲೆತೊಂದುಪೋತೆರ್.
ಜಾಗೆಗ್ ವಿಟ್ಲ ಪೋಲೀಸ್ ಇನ್ಸ್‌ಪೆಕ್ಟರ್ ನಾಗರಾಜ್ ಬತ್ತ್‌ದ್ ನಡಕೆಗಾ ಕಾರಣ ದಾದ ಆದುಪ್ಪು ಪನ್ಪಿನೆತ ಒಲವು ಒಟ್ಟು ಮಲ್ದೆರ್‌ಂದ್ ತೆರಿದ್‌ಬೈದ್ಂಡ್.