Last updated on August 3rd, 2023 at 08:28 pm
ಒಂಟೆಗ್ ಕಾರ್ ಎಡ್ತಿನೆರ್ದಾವರ ಕಾರ್‌ಡಿತ್ತಿನ ಕೇರಳದ ಜವನೆ ತುರ್ದಿನ ನಡಕೆ ಮಸ್ಕತ್‌ಡ್ ನಡತ್‌ದ್ಂಡ್. ಕತಾರ್‌ದ ಅಲಿ ಬಿನ್ ಅಲಿ ಪನ್ಪಿ ಕಂಪೆನಿಡ್ ಸೇಲ್ಸ್ ಎಕ್ಸಿಕ್ಯೂಟಿವ್ ಆದಿತ್ತಿನ ಕೇರಳದ ಮಾಹಿ ಪೆರಿಂಗಡಿ ಮೂಲೊದ ಮುಹಮ್ಮದ್ ಅಫ್ಲಾಹ್ (39) ತೀರ್ದಿನಾರ್. ಆರೆನ ಒಟ್ಟುಗಿತ್ತಿನ ಮಿಸ್ಟಾಹಿ (38) ಪೆಟ್ಟಾದ್ ಸಲಾಲಾ ಸುಲ್ತಾನ್ ಖಾಬೂಸ್ ಆಸ್ಪತ್ರೆಗ್ ಸೇರ್ದೆರ್.
ಸನಿಯಾರ ರಾತ್ರೆ 12 ಗಂಟೆದ ಅಂದಾಜಿಗ್ ಈ ನಡಕೆ ನಡತ್‌ದ್ಂಡ್. ಸಲಾಲಾರ್ದ್ ಪಿರಬನ್ನಗ ಆರೆನ ಕಾರ್ ತುಮ್ರೆತ್‌ರ್ದ್ 80 ಕಿಮೀ ದೂರೊಡುಪ್ಪುನ ಕಿಟ್‌ಪಿಟ್‌ದಲ್ಪ ಒಂಟೆಗ್ ಎಡ್ತ್‌ದ್ಂಡ್. ಮೇರ್ ಕತಾರ್‌ರ್ದ್ ತನ್ನ ಪುಟ್ಟಿನ ದಿನೊನು ಆಚರಿಪೆರ ಬೈದಿತ್ತೆರ್.
ಮೆರೆನೊಟ್ಟುಗಿತ್ತಿನ ಎಣ್ಮ ವರ್ಸೊದ ಮುಹಮ್ಮದ್ ಆಸಿಲ್ ಬೊಕ್ಕ ಮುಹಮ್ಮದ್ ಅಫ್ರಾ ಪ್ರಾಣಾಪಾಯೊರ್ದ್ ತಪ್ಪಾವೊಂದೆರ್. ಕಾನೂನು ಪ್ರಕ್ರಿಯೆ ಮುಗಿತ್‌ದ್ ಪುಣೊನು ಭಾರತೊಗು ಕನಪುನ ಪುನೆಪು ನಡತೊಂದುಂಡು ಪಂದ್ ಇಲ್ಲದಕುಲು ತೆರಿಪಾದೆರ್.