Last updated on August 3rd, 2023 at 08:28 pm
ಕುಡ್ಲ: ತಿರದಾಂತಿ ನಾಯಿಲೆನ ತಾಂಕನೆದ ಅಪ್ಪೆ ರಜನಿ ಶೆಟ್ಟಿ ಮೆರೆನ ಮಿತ್ತ್ ಬರಿತಿಲ್ಲದ ಪೊಂಜೊವು ಒರ್ತಿ ಕಲ್ಲ್ ದಕ್ಕ್‌ದ್ ಹಲ್ಲೆ ಮಲ್ದಿನ ನಡಕೆ ಕುಡ್ಲಡ್ ನಡತ್‌ದ್ಂಡ್. ರಜನಿ ಶೆಟ್ಟಿದಿನ ಬರಿತಿಲ್ಲದಾರಾಯಿನ ಮಂಜುಳಾ ಶೆಟ್ಟಿ ಪನ್ಪಿನಾರ್ ಕಲ್ಲ್ ದಕ್ಕ್‌ದ್ ಹಲ್ಲೆ ಮಲ್ದೆರ್.
ತಿರ್ಗುನಾಯಿಲೆಗ್ ಆಶ್ರಯ ಕೊರ್ಪಿನ ರಜನಿ ಶೆಟ್ಟಿ ಮೇರ್ ನಿಚ್ಚೊಲಾ 600ರ್ದ್‌ಲಾ ಎಚ್ಚಿನ ನಾಯಿಲೆಗ್ ತಿನ್ರ ಪಾಡ್‌ಬೆರ್. ತಿರ್ಗುನಾಯಿಲೆನ ವಿಚಾರೊಡು ರಜನಿನ ಒಟ್ಟುಗು ಮಂಜುಳಾ ಗಡಿ ಗಡಿ ಲಡಯಿಗ್ ಜಪ್ಪೆದೆರ್ ಪಂದ್ ಕೇಂದ್‌ಬರೊಂದುಂಡು. ಅವ್ವೇ ವಿಚಾರೊಡು ಇನಿ ಕಾಂಡೆ ರಜನಿನ ಮಿತ್ತ್ ಮಂಜುಳಾ ಹಲ್ಲೆ ಮಲ್ದೆರ್.
ಕುಡ್ಲ ಪೇಂಟೆದ ಬಲ್ಲಾಲ್‌ಬಾಗ್‌ಡ್ ಈ ನಡಕೆ ನಡತ್‌ದ್ಂಡ್. ರಜನಿ ಶೆಟ್ಟಿನ ಕೈಕ್ ಗಡಿ ಆತ್ಂಡ್. ಮಂಜುಳಾನ ಮಿತ್ತ್ ಬರ್ಕೆ ಪೊಲೀಸ್ ಸ್ಟೇಶನ್‌ಡ್ ರಜನಿ ಶೆಟ್ಟಿ ಒಯಿಲ್ ಕೊರ್ತೆರ್.