Last updated on August 3rd, 2023 at 08:28 pm
ಉಬಾರ್: ಜ್ವರೊಟು ನರಲೊಂದಿತ್ತಿನ ಎಣ್ಮ ತಿಂಗೊಲ್ದ ಬಾಲೆ ಮರ್ದ್ ಪಲಿಪಂದೆ ತೀರ್ದ್, ತನ್ನ ಬಾಲೆ ತೀರ್ಯೆರ ಕಂಡನಿಯೇ ಕಾರಣ ಪಂದ್ ಬೊಡೆದಿ ಉಬಾರ್ ಪೊಲೀಸೆರೆಗ್ ಒಯಿಲ್ ಕೊರ್ತೆರ್.
34 ನೆಕ್ಕಿಲಾಡಿ ಗ್ರಾಮೊದ ಸಾಂತ್ಯಡ್ಕ ನಿವಾಸಿಲಾಯಿನ ಶ್ರೀಧರ ನಾಯ್ಕೆ ಬೊಕ್ಕ ಚಿತ್ರಾ ದಂಪತಿಲೆನ ಎಣ್ಮ ತಿಂಗೊಲ್ದ ಆಣ್‌ಬಾಲೆ ಜೀವಿತ್‌ನ್ ಜೋರು ಜ್ವರೊರ್ದಾವರ ಕುಡ್ಲದ ವೆನ್ಹಾಕ್ ಆಸ್ಪತ್ರೆಗ್ ಸೇರ್ಪಾದಿತ್ತೆರ್. ಆಂಡ ಮರ್ದ್ ಪಲಿಪಂದೇ ಜುಲೈ 1ಕ್ ಬಾಲೆ ಸೈದ್ಂಡ್. ಜುಲೈ 2ಕ್ ಚಿತ್ರಾ ತನ್ನ ಬಾಲೆದ ಮರಣದ ಬಗ್ಗೆ ಸಂಶಯ ತೋಜಾದ್ ತನ್ನ ಕಂಡನ್ಯನ ಮಿತ್ತ್ ಒಯಿಲ್ ಕೊರ್ತೆರ್.
ಬಾಲೆದಪ್ಪೆ ಚಿತ್ರಾ ತನ್ನ ಒಯಿಲ್‌ಡ್ “ಜ್ವರೊಟು ನರಲೊಂದಿತ್ತಿನ ಬಾಲೆದೊಟ್ಟುಗು ಯಾನ್ ಎನ್ನ ಅಪ್ಪೆ ಇಲ್ಲಡ ಪೋಪೆ ಪಕದ್ ಎನ್ನ ಕಂಡನ್ಯಡ ಪನ್ನಗ ಆರ್ ಪಿಸ್‌ರ್‌ಡ್ ಎನನ್ ನೂಕುದೆರ್, ಈ ಪೊರ್ತುಡು ಯಾನ್ ಬಾಲೆದೊಟ್ಟುಗು ತಿರ್ತ್ ಬೂರ್ಯೆ. ಬೊಕ್ಕ ಬಾಲೆಗ್ ಜ್ವರ ಎಚ್ಚ ಆಂಡ್. ನನ್ನ ಕಂಡನಿ ನೂಕುದ್ ಪಾಡ್ದಿನವು ಬಾಲೆ ಸಯ್ಯೆರೆ ನೆವನ ಆದುಪ್ಪು’ ಪಂದ್ ಬರೆತೆರ್.
ಪೊಲೀಸೆರ್ ಶ್ರೀಧರ ನಾಯ್ಕೆರೆನ್ ವಿಚಾರಣೆ ಮಲ್ದೆರ್. ಬಾಲೆದ ಮರಣೋತ್ತರ ಪರೀಕ್ಷೆದ ವರದಿ ನನ ಬರೊಡಾತೆ.