Last updated on August 3rd, 2023 at 08:27 pm
ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇಲಂತಡೆದ ಜಾಗೆಡ್ ನಡಪುನ ಸಾರ್ವಜನಿಕ ಗಣೇಶೋತ್ಸವದ ಸಮಿತಿದ ಪದಾಧಿಕಾರಿಲೆನ ಅಜಕೆ ಕರಿನ ಐತಾರ ನಡತ್‌ದ್ಂಡ್. ಈ ಸಮಿತಿರ್ದ್ ಕರಿನ 10 ವರ್ಸೊರ್ದಿಂಚಿ ಕಾರ್ಯಾಧ್ಯಕ್ಷೆರಾದಿತ್ತಿನ ಅರುಣ್ ಕುಮಾರ್ ಪುತ್ತಿಲೆರೆನ್ ಕೈಬುಡ್ತೆರ್. 18 ವರ್ಸರ್ದಿಂಚಿ ಸಮಿತಿದ ಅಧ್ಯಕ್ಷೆ ಆದ್ ಜಿಲ್ಲೆಡೇ ಪುತ್ತೂರುದ ಗಣೇಶೋತ್ಸವನ್ ರೈಸುಲೆಕ ಮಲ್ದಿನ ಉದ್ಯಮಿ ಶಶಾಂಕ್ ಕೋಟೆಚಾ ಮೆರೆನ್ಲಾ ಅಧ್ಯಕ್ಷ ಸ್ಥಾನೊರ್ದ್ ಜಪ್ಪಾದೆರ್.
ಕರಿನ ವಿಧಾನಸಭಾ ಚುನಾವಣೆಡ್ ಪುತ್ತಿಲೆರೆನ ಪರವಾದ್ ಬೇಲೆ ಮಲ್ದಿನೆಕ್ ಪಿದಯಿ ದೀತೆರ್ ಪಂದ್ ಕಾರ್ಯಕರ್ತೆರ್ ಆಕ್ರೋಶ ತೂಪಾವೊಂದುಲ್ಲೆರ್.
ಲೋಕಸಭಾ ಚುನಾವಣೆಗ್ ದುಂಬು ಪುತ್ತಿರ ಪರಿವಾರ ಬೊಕ್ಕ ಬಿಜೆಪಿನ್ ಒಂಜಿ ಮನ್ಪೆರ ದೆಲ್ಲಿಮಟ್ಟೊಡು ಬಿಜೆಪಿ ಹೈಕಮಾಂಡ್ ಪುನೆಯೊಂದುಪ್ಪುನಗ ಇಂಚಿನ ನಿರ್ಧಾರೊಲು ಅಡ್ಡ ಕಾರ್ ದೀಪ ಪಂದ್ ರಾಜಕೀಯ ವಿಶ್ಲೇಷಕೆರೆನ ಪಾತೆರ.
ಗಣೇಶೋತ್ಸವ ಸಮಿತಿದ ಇನಯೊದ ಬಗ್ಗೆ ಎಂಕ್ ಒವ್ವೇ ಒಲವು ಇಜ್ಜಾಂಡ್. ಪದಾಧಿಕಾರಿಲೆನ್ ಪರಿಮಾರ್ಪುನ ಬಗ್ಗೆಲಾ ಏರ್ಲಾ ಈತ್‌ನೇಟ ಒಲವು ಕೊರ್ತಿಜೆರ್ ಪಂದ್ ಅರುಣ್ ಕುಮಾರ್ ಪುತ್ತಿಲ ಪಂಡೆರ್