Last updated on August 3rd, 2023 at 08:27 pm
ಸ್ಮಾರ್ಟ್‌ಸಿಟಿ ಅಭಿಯಾನೊದಡಿಟ್ ಕುಡ್ಲಗ್ 806 ಕೋಟಿ ರೂ. ಅನುದಾನ ಬುಡುಗಡೆ ಆತ್ಂಡ್ ಪಂದ್ ನಗರಾಭಿವೃದ್ಧಿ ಸಚಿವೆ ಬಿ.ಎಸ್‌. ಸುರೇಶ್‌ ಪಂಡೆರ್.
ವಿಧಾನಪರಿಷತ್ತ್‌ದ ಪ್ರಶ್ನೋತ್ತರ ಕಲಾಪೊಡು ಕಾಂಗ್ರೆಸ್‌ ಪದುಕೆ ಮಂಜುನಾಥ ಭಂಡಾರ್ಲೆನ ಕೇನ್ಪುಗು ಸದನೊಡು ಮಂಡನೆ ಮಲ್ತಿನ ಸದುಟು ಸಚಿವೆರ್ ಈ ಒಲವು ಕೊರ್ತೆರ್. ಸ್ಮಾರ್ಟ್‌ಸಿಟಿ ಅಭಿಯಾನೊದಡಿಟ್ ಕುಡ್ಲಗ್ ಕೇಂದ್ರ ಸರಕಾರೊರ್ದ್ 390 ಕೋಟಿ ಅಂಚೆನೇ ರಾಜ್ಯ ಸರಕಾರೊರ್ದ್ 414 ಕೋಟಿ ರೂ. ಸೇರ್ದ್ ಒಟ್ಟು 806 ಕೋಟಿ ರೂ. ಅನುದಾನ ಬುಡುಗಡೆ ಆತ್ಂಡ್. ಬುಡುಗಡೆ ಆತಿನ ಅನುದಾನೊಡು 739.39 ಕೋಟಿ ರೂ. ಅನುದಾನ ಕರ್ಚಿ ಮಲ್ತ್‌ದ್ ಶೇ. 92ದಾತ್ ಬೇಲೆಗ್ ಗಲಸ್‌ದೆರ್.
ಮಾತ ಕಾಮಗಾರಿಲೆಗ್ ಕಾರ್ಯಾದೇಶ
ಸ್ಮಾರ್ಟ್‌ಸಿಟಿ ಅಭಿಯಾನೊದಡಿಟ್ 53 ಕಾಮಗಾರಿಲೆಗ್ ಟೆಂಡರ್‌ ಲೆತ್ತ್‌ದ್, ಮಾತಾ ಕಾಮಗಾರಿಲೆಗ್ ಕಾರ್ಯಾದೇಶ ಕೊರ್ದಾತ್ಂಡ್. ಈ 53 ಕಾಮಗಾರಿಲೆಡ್ 30 ಕಾಮಗಾರಿಲು ಮುಗಿದ್, 20 ಕಾಮಗಾರಿಲು ನಡತೊಂದುಲ್ಲ. 3 ಕಾಮಗಾರಿಲೆನ್ ನನ ಸುರು ಮನ್ಪೊಡಾತೆ. ಸ್ಮಾರ್ಟ್‌ಸಿಟಿ ಯೋಜನೆಡ್ ಪೊಟ್ಟು ಕಾಮಗಾರಿದ ಬಗ್ಗೆ ಒವ್ವೇ ಒಯಿಲ್ ಬೈಜ್ಜಿ ಪಂದ್ ಸಚಿವೆರ್ ಪಂಡೆರ್.