Last updated on August 3rd, 2023 at 08:27 pm
ಬಾರೀ ಬರ್ಸೊಗು ತಲಪಾಡಿದ ಶಾರದಾ ಸ್ಕೂಲ್ ಬೊಕ್ಕ ಕಾಲೇಜಿದ ಮಿತ್ತ್ ಪಾಡ್ದಿನ ಶೀಟ್ ತಿರ್ತ್ ಬೂರ್ದ್ಂಡ್. ತಿರ್ತ್ ಉಂತಾದಿತ್ತಿನ ಶಾಲೆದ ಗಾಡಿಲು ಮಾತ ಞಕ್ಕೆ ಆತ. ಶಾಲೆ, ಕಾಲೇಜಿಗ್ ರಜೆ ಇತ್ತಿನೆರ್ದಾವರ ಮಲ್ಲ ಅನಾವುತ ತತ್ತ್‌ದ್ಂಡ್.
ಕೋಡೆತ್‌ಮುರಾನಿ (ಜುಲೈ 05) ಈ ನಡಕೆ ನಡತ್‌ದ್ಂಡ್.
ದೇವಿನಗರದ ಶಾರದ ವಿದ್ಯಾನಿಕೇತನ ಪಬ್ಲಿಕ್ ಸ್ಕೂಲ್ ಕ್ಯಾಂಪಸ್‌ದ ಆಜಿ ಮಾಲಿಗೆದ ಕಟ್ವಾನೊದ ಮಿತ್ತ್ ಇಂಚಿಪ್ಪೊಗು ಶೀಟ್ ಪಾಡ್‌ದಿತ್ತೆರ್. ಬಾರೀ ಜೋರೂದ ಗಾಳಿ-ಬರ್ಸೊರ್ದಾನರ ಶೀಟ್‌ದ ಮಾಡ್ ಬೂರ್ದ್ಂಡ್. ಶೀಟ್‌ದ ಒಟ್ಟುಗು ಇತ್ತಿನ ಮಲ್ಲ ಮಲ್ಲ ಕರ್ಬದ ರಾಡ್‌ಲ್ಲಾ ತಿರ್ತ್ ಬೂರ್ದ. ಜಿಲ್ಲಾಡಳಿತ ಶಾಲೆ, ಕಾಲೇಜಿಲೆಗ್ ರಜೆ ಕೊರ್ನೆರ್ದಾವರ ಅನಾವುತ ತತ್ತ್ಂಡ್.