Last updated on August 3rd, 2023 at 08:27 pm
ಪೋವೊಂದಿತ್ತಿನ ಬೈಕ್‌ದ ಮೇಲ್‌ಗ್ ಒರಾನೆ ಮರ ಒಂಜಿ ಬೂರ್ದ್ ಬೈಕ್ ಬುಡೊಂದಿತ್ತಿನ ಜನ ಸೈದಿನ ನಡಕೆ ಕೋಡೆ ರಾತ್ರೆ ಕಾರ್ಲ ತಾಲೂಕ್‌ದ ಬೆಳ್ಮಣ್‌ಡ್ ನಡತ್‌ದ್ಂಡ್.
ತೀರ್ದಿನಾರೆನ್ ಪಿಲಾರ್ ನಿವಾಸಿ ಪ್ರವೀಣ್ ಆಚಾರ್ಯ ಪಂದ್ ಗುರ್ತ ಪತ್ತ್‌ದೆರ್‌.
ಬೆಳ್ಮಣ್ ಪೇಂಟೆಡ್ ತಾದಿ ಬರಿಟಿತ್ತಿನ ಮಲ್ಲ ಗೋಲಿದ ಮರ ಒಂಜಿ ಅಡಿರ್ದೇ ಲಕ್ಕ್‌ದ್ ಅವ್ವೇ ಪೊರ್ತುಡು ಆ ತಾದಿಯೆ ಬೈಕ್‌ಡ್ ಪೋವೊಂದಿತ್ತಿನ ಪ್ರವೀಣೆರೆನ ಮಿತ್ತ್ ಬೂರ್ದ್ಂಡ್. ಗಾತಿದ ಪೆಟ್ಟಾದಿತ್ತಿನ ಆರೆನ್ ಅಸ್ಪತ್ರೆಗ್ ಲೆತೊಂದು ಪೋಪಿ ತಾದಿಡೇ ಜೂವ ಬುಡ್ತೆರ್.
ಮರ ಬೂರೊಂದುಪ್ಪುನ ದೃಶ್ಯ ಸಿಸಿಟಿವಿಡ್ ಕೈದಾತ್ಂಡ್, ಮುಟ್ಟೊದಕುಲು ಅಂಚೆನೇ ಪೊಲೀಸೆರ್ ಸೇರ್ದ್ ರಾತ್ರೆ ತಾದಿಗ್ ಅಡ್ಡ ಬೂರ್ದಿತ್ತಿನ ಮರೊನು ಆಪಿನಾತ್ ದೆಪ್ಪಾದ್ ಗಾಡಿಲು ಪೋಪಿಲೆಕ ಮಲ್ದೆರ್.