ಎಡ್ಡೆ ಬಜೆಟ್, ಆಂಡ ನಾರಾಯಣಗುರು ನಿಗಮ ಮಂಡಳಿದ ಬಗೆಟ್ಲಾ ದಿಟ್ಟಿ ದೀಲೆ : ಕೆಪಿಸಿಸಿ ಪ್ರಧಾನ ಕಾರ್ಯಂತೆರ್ ಪದ್ಮರಾಜ್ ರಾಮಯ್ಯ

Last updated on August 3rd, 2023 at 08:26 pm

ಕೆಪಿಸಿಸಿ ಪ್ರಧಾನ ಕಾರ್ಯಂತೆರ್ ಪದ್ಮರಾಜ್ ರಾಮಯ್ಯ ಮೇರ್ ಪಾತೆರ್ದ್ ಈಯೋಡುದ ಬಜೆಟ್ ಬಾರಿ ಎಡ್ಡೆ ಉಂಡು, ಸರ್ವೆರೆಗ್ಲಾ ಒಂಜೇ ಲೆಕ್ಕ ಪಟ್‌ದ್ ಕೊರ್ತೆರ್. ನೆರ್ದ್ ರಾಜ್ಯದ ಆರ್ಥಿಕತೆಗ್ ಎಡ್ಡೆ ಆಪುಂಡು ಪಂದ್ ಪಂಡೆರ್. ಐನ್ ಗ್ಯಾರೆಂಟಿನ್ ಕೊರ್ಪೆ ಪಂದಿತ್ತೆರ್ ಈಯೋಡುದ ಬಜೆಟ್‌ಡ್ ಅವೆಕ್ಕ್ ವ್ಯವಸ್ಥೆ ಮಲ್ದೆರ್ ಪಂದ್ ಪಂಡೆರ್.

ಪ್ರಣಾಳಿಕೆಡ್ ನಾರಾಯಣಗುರು ನಿಗಮ ಮಂಡಳಿ ಮಲ್ತ್ 250 ಕೋಟಿ ಕೊರ್ಪ ಪಂದ್ ಪಂತ್ಂಡ್, ಅವೆನ್ ಮಲ್ಪಂದಿನವು ಎಂಕ್ಲೆಗ್ ನಿರಾಸೆ ಆತ್ಂಡ್. ನಾರಾಯಣ ಗುರು ನಿಗಮ ಮಂಡಳಿದ ಬಗ್ಗೆಲಾ ಚೂರು ದಿಟ್ಟಿ ದೀಲೆ, ಸಪ್ಲಿಮೆಂಟರಿ ಬಜೆಟ್‌ಡ್ ಉನೇನ್ ಘೋಷಣೆ ಮಲ್ಪುಲೆ ಪಂದ್ ಪದ್ಮರಾಜ್ ರಾಮಯ್ಯ ಪಂಡೆರ್.