Last updated on August 3rd, 2023 at 08:26 pm
ಶನಿಯಾರ ಪಡ್ಡಾಯಿ ಬಂಗಾಳಡ್ ನಡತಿನ ಪಂಚಾಯತಿ ಓಟುಡು ಹಿಂಸಾಚಾರ ಪೆಟ್ಟ್ ಲಡಯಿ ಸುರು ಆದ್ ಸುಮಾರ್ 19 ಜನ ತೀರಿಯೆರ್. ಅಲ್ಪಲ್ಪ ರಾಜ್ಯೊಡು ಬಾಂಬ್ ಪಾಡ್ದ್ ಪುಡತಿನ ನಡಕೆಲುಲಾ ರಿಪೋರ್ಟ್ ಆತ. ರಾಜಕೀಯ ಪಕ್ಷೊಲು ಒಂಜೆತ್ತ ಮಿತ್ತ್ ಕುಡೊಂಜಿ ಆರೋಪ ಮಲ್ತೊಂದುಲ್ಲೆರ್. ಬಿಜೆಪಿದಕುಲು ಕುಡ ಪಿರ ಓಟು ಮಲ್ಪೊಡು ಪನ್ದ್ ಆಗ್ರಹ ಮಲ್ತೊಂದುಲ್ಲೆರ್.
ಓಟು ಹಿಂಸಾಚಾರದ ಬಗೆಟ್ ಪಾತೆರಿನ ಅಧಿಕಾರಿಲು ಚುನಾವಣಾ ಕಮಿಷನ್ ದ ಮಿತ್ತ್ ಆರೋಪ ಮಲ್ತ್, ರಾಜ್ಯ ಚುನಾವಣಾ ಆಯೋಗ ಓಟುದ ಸುರುಟು ಸೂಕ್ಷ್ಮ ಜಾಗೆಲೆನ ಬಗೆಟ್ ಒವ್ವೇ ಡೀಟೇಲ್ ಕೊರ್ತುಜಿ ಪನ್ದ್ ಪನ್ತೆರ್. ಎಂಕುಲು ರಾಜ್ಯ ಚುನಾವಣಾ ಆಯೋಗೊಗು ಮಸ್ತ್ ಓಲೆ ಬರೆತ, ಆಂಡ ಅಕೇರಿಗ್ ಜೂನ್ 7ಗ್ ಪಡ್ಡಾಯಿ ಬಂಗಾಳದ ಸರಕಾರ ಅವೆಕ್ ಸದು ಕೊರ್ದು ಕಾಲಿ ಏತ್ ಸೂಕ್ಷ್ಮ ವಲಯ ಉಂಡು ಪನ್ದ್ ತೆರಿಪಾಂಡೇ ಸಿವಾಯಿ ಒಲ್ಪ ಉಂಡು ಪನ್ದ್ ತೆರಿಪಾದಿತ್ತಿಜಿ. ಸಿಎಪಿಎಫ್ ದ 59000 ಜನ, ಬೇತೆ ಬೇತೆ ರಾಜ್ಯೊಲೆನ ಪೋಲೀಸೆರೆನ್ ಪೂರಾ ಡ್ಯೂಟಿಗ್ ಪಾಡ್ದಿತ್ತ್ಂಡಲಾ, ಅಕೆಲೊನ್ ಸಮಗಟ್ಟ್ ಗಲಸಿಜೆರ್ ಪನ್ದ್ ಎಸ್.ಎಸ್ ಗುಲೇರಿಯಾ ಪನ್ಡೆರ್.
ಒಟ್ಟುಗು 19 ಸಾವುಲು ಆತ, ಅವೆಟ್ 13 ಆಡಳಿತ ಪಕ್ಷ ಟಿಎಂಸಿದ ಕಾರ್ಯಕರ್ತೆರ್ ಅಂಚೆನೆ ರಡ್ಡ್ ಬಿಜೆಪಿ ಬೊಕ್ಕ ರಡ್ಡ್ ರಡ್ಡ್ ಸಿಪಿಐದಕುಲು ಇತ್ತೆರ್. ಒಂಜಿ ಕಾಂಗ್ರೇಸ್ ಕಾರ್ಯಕರ್ತೆ ಅಂಚೆನೆ ಒರಿ ಓಟ್ ಪಾಡ್ರೆ ಬೈದಿನಾಯೆಲಾ ಈ ಹಿಂಸಾಚಾರೊಡು ಜೀವ ಕಳೆಯೊಂಡೆರ್.