Last updated on August 3rd, 2023 at 08:26 pm
ಕೋಡೆ ಬಯ್ಯಡ್ ಪರ್ಕಳದಂಚಿರ್ದ್ ಮಣಿಪಾಲಗ್ ಮಾರುತಿ ಸ್ವಿಫ್ಟ್ ಕಾರ್ ಒಂಜಿ ಬಾರೀ ಬರಸ್‌ಡ್ ಬತ್ತ್‌ದ್, ಕೆಎಂಸಿ ಆಸ್ಪತ್ರೆದ ಬರಿಟ್ ಬಸ್‌ಗ್ ಪಿರವುರ್ದ್ ಎಡ್ತ್‌ದ್ಂಡ್. ಎಡ್ತ್‌ದ್ ಗಾಡಿ ಪಿರದೆಪ್ಪುನಗ ಪಿರವುಡಿತ್ತಿನ ಬೈಕ್ ಎಡ್ತ್‌ದೆರ್. ಬೈಕ್‌ಡಿತ್ತಿನ ಜನಕ್ ಗಡಿಕುಲಾತ. ಕಾರ್‌ಡ್ ಮೂಜಿ ಜನ ಜವನೆರಿತ್ತೆರ್.
ಪರ್ಕಳರ್ದ್ ಬನ್ನಗನೆ ತಾರಾಮರ ಬತ್ತಿನ ಕಾರ್ ಕೆಲ ಗಾಡಿಲೆಗ್ ಎಡ್ತ್‌ದ್, ಮಣಿಪಾಲಡ್ ಯುಟರ್ನ್ ಮಲ್ತ್‌ದ್ ಪರ್ಕಳಗ್ ಪದ್ರಾಡಾಪುನೆನ್ ಪೊಲೀಸೆರ್ ತೂದು ಬೆರಿಪತ್ತ್‌ದೆರ್.
ಪರ್ಕಳದಲ್ಪ ಕಾರ್ ಉಂತಾದ್ ಕಾರ್‌ಡಿತ್ತಿನ ಮೂಜಿ ಜನಲಾ ಬಲ್ತ್‌ದೆರ್. ಪೊಲೀಸೆರ್ ನಾಡ್ಂಡಲಾ ಮೊಕಲ್ನ ಬಗ್ಗೆ ದಾಲ ಒಲವು ತಿಕ್ಕ್‌ದಿಜಿ.