Last updated on August 3rd, 2023 at 08:26 pm
ಕುಡ್ಲ : ಪುಲ್ಯಕಾಂಡೆ ತೆಡಿಲ್ ಆಕ್‌ದ್ ಸಾಮಾನ್‌ದ ಅಂಗಡಿ ಪೊತ್ತುದು ಸುಡುಸೂಕರಿ ಆಯಿನ ನಡಕೆ ಕುಡ್ಲದ ಮುನ್ನೂರ್ ಗ್ರಾಮದ ರಾಣಿಪುರಟ್ ನಡತ್ಂಡ್.
ರಾಣಿಪುರ ಚರ್ಚ್ ದ ಎದುರು ಪೀಟರ್ ಆಪ್ರೋಸ್ ಪನ್ಪಿನಾರೆನ ಅಂಗಡಿಗ್ ತೆಡಿಲ್ ಆಕ್‌ದ್ಂಡ್. ಈ ನಡಕೆ ನಡಪುನಗ ಪೀಟರ್ ಬೊಕ್ಕ ಅರೆನ ಇಲ್ಲದಕುಲು ಜೆತ್ತಿತ್ತೆರ್ ಪನ್ದ್ ತೆರಿದ್ ಬೈದ್ಂಡ್. ಅಲ್ಪ ಪೋವೊಂದಿತ್ತಿನಾರ್ ಒರಿ ಅಂಗಡಿಗ್ ತೂ ಬೂರ್ದಿನೆನ್ ತೂದು ಇಲ್ಲದಕಲೆಗ್ ತೆರಿಪಾದೆರ್. ಪೀಟರ್‌ರೆನ ಕುಟುಮದಕುಲು ಅಗ್ನಿಶಾಮಕ ದಳತಕಲೆನ್ ಲೆತ್ತೆರ್, ಅಡೆಗ್ ಎತ್ತಿನ ದಳತಕುಲು ತೂ ಇಲ್ಲಗ್ ಪತ್ತಂದಿಲೆಕ್ಕ ತೆಕ್ಕಾಯೆರ್.
ಈ ನಡಕೆರ್ದ್ ಮೂಜಿ ಫ್ರಿಜ್‌ದೊಟ್ಟುಗು ಲಕ್ಷಾಂತರ ಪನವುದ ಸಾಮಾನ್ ಪೊತ್ತುದು ಸುಡು ಸೂಕರಿ ಆತ್ಂಡ್. ಅಲ್ಪ ಇತ್ತಿನ ಎಲೆಕ್ಟ್ರಾನಿಕ್ ಉಪಕರನೊಲು ಪೊತ್ತುದುಂಡು. ಅಂಗಡಿ ಇಲ್ಲ್ ಒಟ್ಟುಗೇ ಉಪ್ಪುನೆರ್ದಾವರ ಇಲ್ಲದ ಗೋಡೆ ಅದ್‌ರ್‌ದ್ ಪುಡಾದ್ಂಡ್.