Last updated on August 3rd, 2023 at 08:26 pm
ಧರ್ಮೊದ ವಿಚಾರ, ಕೋಮು ಎಡ್ಡೆಪ್ಪುನು ಪುಡಪುನಂಚಿನ ಒವ್ವೇ ಸೊಲ್ಲಂಜೊಲೆನ್ ಸಾಮಾಜಿಕ ಬಲೆತ್ತಾನೊಲೆಡ್ ಪಟ್ಟೊಂಡ ಎದುರು ಪಿರವು ತೂವಂದೆ ಕ್ರಮ ಗೆತೊನುವ ಪಂದ್ ಪೊಲೀಸ್ ಕಮಿಷನರ್ ಕುಲದೀಪ್ ಜೈನ್ ಎಚ್ಚರಿತ್‌ದೆರ್.
ಕರಿನ ಕಾಲಿ ಒಂಜಿ ತಿಂಗೊಲುಡು ಕುಡ್ಲ ಕಮಿಷನರೇಟ್ ಸೀಮೆಡ್ ಇಂಚ 21 ಕೇಸ್‌ಲು ದಾಕಲಾತ. ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಟ್ವಿಟರ್‌ದಂಚಿನ ಬಲೆತ್ತಾನೊಲೆಡ್ ಪೋಸ್ಟ್‌ಲೆನ್ ಪಟ್ಟೊನುನೆತ ಬಗ್ಗೆ ಪೊಲೀಸ್ ಇಲಾಖೆ ತೃವೊಂದುಪ್ಪುಂಡು. ಅವ್ವೇ ರಿತಿತ ಆಕ್ಷೇಪಾರ್ಹ ಪೋಸ್ಟ್‌ಲೆನ್ ಪಾಡ್ಂಡ, ಅಕಲೆನ ಮಿತ್ತ್ ಕ್ರಮ ಗೆತೊನುವ ಪಂದ್ ಪಂಡೆರ್.
ಧರ್ಮೊಲೆನ ನಡುತ ಎಡ್ಡೆಪ್ಪುನು ಪುಡಪುನಂಚಿನ ಸೊಲ್ಲಂಜೊಲು ಎಚ್ಚಾದ್ ತಿರ್ಗೊಂದುಪ್ಪುನ ತೋಜಿದ್ ಬರೊಂದುಂಡು. ಪೇಂಟೆದ ಮಾತ ಪೊಲೀಸ್ ಸ್ಟೇಶನ್‌ಲೆನ ಸೀಮೆಡ್ ಈ ಬಗ್ಗೆ ಪೊಲೀಸೆರ್ ಕಾತ್‌ ಕುಲ್ಲುದ್ ತೂವೊಂದುಪ್ಪೆರ್. ಧರ್ಮೊದ ವಿಚಾರಡ್ ಪರ- ವಿರೋಧ ಸೊಲ್ಲಂಜೊಲೆನ್ ಪಾಡುನ, ಪಟ್ಟೊನುನ ಅಂಚೆನೇ ಅವೆಕ್ಲೆಗ್ ಕಮೆಂಟ್ ಮನ್ಪುನಕಲೆನ ಮಿತ್ತ್
ಕ್ರಮ ಗೆತೊನರೆಗುಂಡು. ಪಿರ ಪಿರ ಇಂಚಿನ ಅಪರಾಧೊಲು ಆವೊಂದಿತ್ತಂಡ ಕಠಿಣ ಕ್ರಮ ಗೆತೊನರೆಗುಂಡು ಪಂದ್ ಪೊಲೀಸ್ ಕಮಿಷನರ್ ಪ್ರಕಟಣೆಡ್ ತೆರಿಪಾದೆರ್.