ದ.ಕ : ಮೊರನಿ ಬರ್ಸೊಗು ಶಾಲೆ ಕಾಲೇಜಿಗ್ ಕೊರ್ತಿನ ರಜೆತ ಪಗತೆಗ್ ಶನಿವಾರ ಬಯ್ಯಮುಟ್ಟ ಕ್ಲಾಸ್?

Last updated on August 3rd, 2023 at 08:25 pm

ದಡೀಟ್ ಬರ್ಸ ಬತ್ತಿನ ತೂದು ಬೆರಿ ಬೆರಿಕ್ ನಾಲ್ ದಿನ ತುಳುನಾಡ್‌ದ ಶಾಲೆ ಕಾಲೇಜಿಗ್ ರಜೆ ಇತ್ತ್ಂಡ್. ಇತ್ತೆ ಈ ರಜೆತ ಬಡ್ಡಿ ಅಸಲ್ ದೆಪ್ಪರೆ ದ.ಕ ಜಿಲ್ಲೆಡ್ 8 ವಾರ ಶನಿವಾರ ಬಯ್ಯಮುಟ್ಟ ಶಾಲೆ ಮಲ್ಪುನ ಅಟ್ಟನೆಡ್ ಇಲಾಖೆ ಉಂಡು ಪನ್ದ್ ತೆರಿದ್ ಬೈದ್ಂಡ್.

ಒಂಜಿ ವೇಳೆ ಬಯ್ಯಮುಟ್ಟ ಶಾಲೆ ಮಲ್ಪರೆ ಆಯಿಜಿಡ, ಮಾರ್ನೇಮಿಗ್ ಕೊರ್ಪಿನ ರಜೆಟ್ ಒಂತೆ ರಜೆ ಕಡ್ಪುನ ಅಟ್ಟನೆಲಾ ಆವೊಂದುಂಡು. ಉಂದು ರಡ್ಡೆಟ್ಟ್ ಒವ್ವಾಂಡಲ ಒಂಜಿ ಆಪಿನವು ಮಾತ್ರ ನಿಗಂಟ್. ಈ ಬಗೆಟ್ ಅಧಿಕೃತ ಸೂಚನೆ ನನಲ ಬೈಜಿ, ಆಂಡ ಉಂದೆತ ಬಗೆಟ್ ನಿರ್ಣಯೊನು ಆಯಿನಾತ್ ಬೇಗ ದೆತೊನುವೆರ್. ದುಂಬುಲಾ ಬರ್ಸೊಗು ಕೊರ್ತಿನ ರಜೆಕುಲೆನ್ ಇಂಚ ಶನಿವಾರ ಕ್ಲಾಸ್ ಮಲ್ತ್ ಸಮ ಮಲ್ತೊಂದಿತ್ತೆರ್.