Last updated on August 3rd, 2023 at 08:25 pm
ಜಾಗೆಗ್ ಬೋಡಾದ್ ಒಪ್ಪ ಪುಟ್ಟಿನಕುಲು ಪೆಟ್ಟ್‌ಗ್ ಜತ್ತ್‌ದ್, ಒರ್ಯನ್ ಕೆರ್ತಿನ ನಡಕೆ ಕೊಡಗುದ ಚೆಂಬು ಗ್ರಾಮೊಡು ನಡತ್‌ದ್ಂಡ್. ಸೈದಿನಾರೆನ್ ಉಸ್ಮಾನ್ ಪಂದ್ ಗುರ್ತಪತ್ತ್‌ದೆರ್.
ಪುತ್ತೂರುದ ಸಂಪ್ಯ ನಿವಾಸಿ ಉಸ್ಮಾನ್ ಸುಕ್ರಾರ ಕುದ್ರೆಪಾಯೊಡುಪ್ಪುನ ತನ್ನ ಜಾಗೆಗ್ ಪೋದಿತ್ತೆರ್. ಈ ಪೊರ್ತುಡು ಆಸ್ತಿ ವಿಚಾರೊಡು ಮೆಗ್ಯೆಪಲಯೆ ಎದುರೆದುರು ಪಾತೆರೊಂದೆರ್. ಪಾತೆರ ಎಚ್ಚಾದ್ ಪಿಸ್‌ರ್‌ಡ್ ಮೆಗ್ಯೆ ಉಸ್ಮಾನ್‌ಗ್ ಬೀಸತ್ತಿ ಪಾಡ್ದೆ.
ಗಾತಿದ ಗಡಿಯಾದಿತ್ತಿನ ಉಸ್ಮಾನ್ ತೀರ್ದೆರ್ ಪಂದ್ ತೆರಿದ್‌ಬೈದ್ಂಡ್. ಕೊಡಗು ಪೊಲೀಸೆರ್ ಜಾಗೆದಡೆ ಬತ್ತ್‌ದ್ ಜಡ್ತೆ ಮಲ್ತೊಂದುಲ್ಲೆರ್.
ಉಸ್ಮಾನ್ ಬೊಕ್ಕ ಆರೆನ ಮೆಗ್ಯನಕುಲೆಗ್ ಒಟ್ಟು ಸೇರ್ದ್ 50 ಎಕ್ರೆದಾತ್ ಜಾಗೆ ಕುದರೆಪಾಯಡ್ ಇತ್ತ್ಂಡ್. ಉಸ್ಮಾನ್‌ರೆಗ್ ಅರಂತೋಡುಡ್ಲಾ ಒಂತೆ ಜಾಗೆ ಇತ್ತ್‌ಡ್.