Last updated on August 3rd, 2023 at 08:25 pm
ಭೋಪಾಲ್ : ಕಜಿಪು ಮಲ್ಪುನಗ ರೇಟ್ ಏರ್ದಿನ ರಡ್ಡ್ ಟೊಮೆಟೊ ಜಾಸ್ತಿ ಪಾಡಿನೆಕ್ಕ್ ಕೋಪೊಡು ಇಲ್ಲ್ ಬುಡ್ದ್ ಪೋತಿನ ಬೊಡೆದಿನ್ ಪೋಲೀಸ್ ಸ್ಟೇಷನ್ಡೇ ಅರ್ಧ ಕೆಜಿ ಟೊಮೆಟೊ ಕೊರ್ದು ಮಾಪು ಕೇನ್ದ್ ಪಿರ ಇಲ್ಲಗ್ ಲೆತೊಂದು ಬರ್ರೆ ಕಂಡನೆ ಯಶಸ್ವಿ ಆತೆರ್. ಅವ್ವತ್ತಂದೆ ನನ ಯಾಪಲಾ ನಿನ್ನ ಪರ್ಮಿಷನ್ ದಾಂತೆ ಟೊಮೆಟೊ ಗಲಸುಜಿ ಪನ್ದ್ ಸಂಜೀವ್ ವರ್ಮಾ ತನ್ನ ಬೊಡೆದಿಡ ಆಜೆ ಪಾಡ್ದೆರ್.
ಮಧ್ಯಪ್ರದೇಶದ ಶಾಹದೋಲ್ ಪನ್ಪಿನಲ್ಪ ಕಂಡನೆ ಬೊಡೆದಿ ಎಲ್ಯ ಹೊಟೇಲ್ ನಡಪಾವೊಂದಿತ್ತೆರ್. ಆ ಪೊರ್ತುಡು ರಡ್ಡ್ ಟೊಮೆಟೋ ಆಯೆ ಜಾಸ್ತಿ ಪಾಡಿನೆಕ್ಕ್ ಬೊಡೆದಿ ಆರತಿ ಜೋಕುಲೆನ್ ಪೂರಾ ಪತೊಂದು ಪನಂದೆ ಇಲ್ಲ್ ಬುಡ್ದ್ ಪೋದಿತ್ತೊಲು. ಬೊಡೆದಿನ್ ನಾಡ್ ದ್ ಕೊರ್ಲೆ ಪನ್ದ್ ಆಯೆ ಪೋಲೀಸ್ ಸ್ಟೇಷನ್ ಗ್ ಪೋದಿತ್ತೆ. ಆಲ್ ತನ್ನ ಪಲಿನ ಇಲ್ಲಗ್ ಪೋತಿನ ತೆರಿದ್ ಪೋಲೀಸೆರ್ ಇರುವೆರೆನ್ ಲೆಪುಡಾದ್ ಒಂಜಿ ಮಲ್ತೆರ್. ಟೊಮೆಟೋಗ್ ರೇಟ್ ಜಾಸ್ತಿ ಆತ್ಂಡ್ ಅವೆನ್ ಲೆಕ್ಕೊಡು ಗಲಸೊಡು ಪನ್ಪಿನವು ಆರತಿನ ವಾದ ಆದಿತ್ತ್ಂಡ್.