ನೇಜಿ ತುಂಬೊಂದಿನ ಪೊಂಜೊವು ತಾಮರೆದ ಕಲೊಕು ಜಪ್ಪುವೊಲಾ?

Last updated on August 3rd, 2023 at 08:25 pm

ಕರ್ನಾಟಕದ ರಾಜಕೀಯ ದಿನೊಕು ಒಂಜೊಂಜಿ ರೀತಿ ಬದಲಾವೊಂದುಂಡು. ಕಾಂಗ್ರೇಸ್ ಗ್ ಪತ್ತ ಮೆಜಾರಿಟಿ ಬತ್ತ್ ಸರಕಾರ ಮಲ್ದ್ಂಡ್ ಇತ್ತೆ ಲೋಕಸಭಾ ಓಟುನು ದಿಟ್ಟಿಡ್ ದೀವೊಂದು ಬಿಜೆಪಿ ಬೊಕ್ಕ ಜೆಡಿಎಸ್ ಒಂಜಾಪಿನ ಪುನೆಪು ನಡತೊಂದುಂಡು ಪನ್ದ್ ತೆರಿದ್ ಬೈದ್ಂಡ್.

ಇಂಚೊಗು ಬಸವರಾಜ್ ಬೊಮ್ಮಾಯಿಲಾ ಎನ್ಡಿಎ ದೋಸ್ತಿಕೂಪೆಗ್ ಜೆಡಿಎಸ್ ಗೋಡ್ಯುನ ಬಗೆಟ್ ಶನಿವಾರ ತೆರಿಪಾದಿತ್ತೆರ್. ಇತ್ತೆ ನಡಪುನ ಪಾತೆರಕತೆದ ಫಲಿತಾಂಶ ದುಂಬುದ ರಾಜಕೀಯ ನಿರ್ಧಾರೊಲೆಗ್ ನೆವನ ಆಪುಂಡು ಪನ್ದ್ ಪನ್ತೆರ್.

ಕುಮಾರಸ್ವಾಮಿಲಾ ರಾಜಕೀಯೊಡು ದಾದ ಬೋಡಾಂಡಲ ಆಪು ಎಂಕ್ಲೆ ಪಕ್ಷೊಗು ಒಯಿಟ್ ಭವಿಷ್ಯ ಉಂಡಾ ಅವೆಟ್ ನಿರ್ದಾರ ದೆತೊನುವ ಪನ್ದ್ ಪನ್ದಿತ್ತೆರ್. ಕರಿನ ಸಲ ಲೋಕಸಭಾ ಓಟುಡು ಜೆಡಿಎಸ್-ಕಾಂಗ್ರೇಸ್ ದೋಸ್ತಿಕೂಟೊಡು ಓಟುದ ಕಲೊಕು ಜತ್ತ್ ಇರುವೆರೆಗ್ಲಾ ಮಸ್ತ್ ನಷ್ಟ ಆದಿತ್ತ್ಂಡ್. ಈ ಸಲ ಜೆಡಿಎಸ್ ಬಿಜೆಪಿದೊಟ್ಟುಗು ಜತ್ತ್ಂಡ, ಬಿಜೆಪಿ 4-5 ಸೀಟುಲೆನ್ ಜೆಡಿಎಸ್ ಗ್ ಬುಡ್ದ್ ಕೊರ್ಪಿನ ಸಾಧ್ಯತೆ ಉಂಡು. ಜೆಡಿಎಸ್ ಗ್ ಈ ಸಲತ ವಿಧಾನಸಭೆಟ್ ಕಾಲಿ 19 ಸೀಟ್ ಮಾತ್ರ ತಿಕ್ಕಿನಿ. ಇಂಚಿಡ್ ಬಿಜೆಪಿ ನನಲ ವಿರೋಧ ಪಕ್ಷದ ನಾಯಕನ್ ಅಜತಿದಿಜಿ. ಒಟ್ಟುದು ಮಾತಾ ಗೊಂಜಲೊಲೆಗ್ ನನಲ ಬೇಗೊಡು ಸಮಗಟ್ಟ್ ಸದು ತಿಕ್ಕುನಲೆಕ್ಕ ತೋಜುಜಿ.