Last updated on August 3rd, 2023 at 08:25 pm
ತುಳುನಾಡ ಪೊಣ್ಣು ಸ್ವೀಝಲ್ ಫುರ್ಟಾಡೊ ಮೇರ್ ತೆಂಕಾಯಿ ಅಮೆರಿಕೊದ ಪೆರುಡು ಕರಿನ ತಿಂಗೊಲು ನಡತಿನ ಅಂತಾರಾಷ್ಟ್ರೀಯ ಮಟ್ಟೊದ ಸೌಂದರ್ಯ ಪಂತೊಡು ಮಿಸ್ ಟೀನ್ ಯೂನಿವರ್ಸಲ್ -2023 ಪ್ರಶಸ್ತಿನ್ ಗೆಂದ್‌ದೆರ್.
ಪದಿನೆಣ್ಮ ವರ್ಸ ಪ್ರಾಯೊದ ಸ್ವೀಝಲ್ ಫುರ್ಟಾಡೊ ಒಂಜಿ ಕಾಲೊಡು ತುಳುನಾಡ ರಾಜಧಾನಿ ಆದಿತ್ತಿನ ಒಡಿಪುದ ಬಾರ್ಕೂರ್‌ದ ಬೊಲ್ನೆಯಿಕುದ್ರು(ಬೆಣ್ಣೆಕುದ್ರು) ಮೂಲೊದಾರ್. ಇತ್ತೆ ತನ್ನ ಸಾಧನೆರ್ದಾವರ ತುಳುನಾಡ್‌ಗ್ ಮಾತ್ರ ಅತ್ತಂದೆ ಇಡೀ ದೇಶೊಗೇ ಪೆರ್ಮೆ ಕನದೆರ್.
ಉ್ಂದುವೇ ಕಡೀರ ಸರ್ತಿ ಅಂತರರಾಷ್ಟ್ರೀಯ ಮಟ್ಟೊಡು ಭಾರತೊನು ಪ್ರತಿನಿಧಿತ್‌ದ್, ಟೀನ್ ವಿಭಾಗೊಡು ಕಡೀರ ಪ್ರಶಸ್ತಿ ಗೆಂದಿನ ಎಂಕ್ ಕುಸಿತೊಟ್ಟುಗು ಪೆರ್ಮೆಲಾ ಕನದ್‌ಡ್ ಪಂದ್ ಸ್ವೀಝಲ್ ಪಂಡೊಂದೆರ್.
ಸ್ವೀಝಲ್ ಮೇರ್ ಫ್ರೆಶ್ ಫೇಸ್ ಆಫ್ ಇಗ್ನೆಟ್ ಇಂಡಿಯಾ 2021 ತ ಪ್ರಶಸ್ತಿ ಗೆಂದ್‌ದ್, ಬೊಕ್ಕ ಮಿಸ್ ಸೂಪರ್ ಮಾಡೆಲ್ ಆಫ್ ಇಂಡಿಯಾ -2022 ರನ್ನರ್ ಅಪ್ ಆದ್ ಸಾಧನೆ ಮಲ್ದೆರ್. ಇತ್ತೆ ಅಂತಾರಾಷ್ಟ್ರೀಯ ಮಟ್ಟೊಡು ಮೆನ್ಕೊಂದುಲ್ಲೆರ್.