ತುಳುನು ಕರ್ನಾಟಕದ ಅಧಿಕೃತ ಭಾಷೆ ಮಲ್ಪುಲೆ ಪನ್ದ್ ಸದನೊಡು ತುಳುಟೇ ಕೇಂಡಿನ ಅಶೋಕ್ ರೈ, ಕನ್ನಡ ಶಾಸಕೆರೆನ ಆಕ್ಷೇಪ ಗೆನ್ಪಂದೆ ತುಳುಟೇ ಪಾತೆರಿನ ಖಾದರ್!

Last updated on August 3rd, 2023 at 08:25 pm

ಪುತ್ತೂರು ಶಾಸಕೆ ಅಶೋಕ್ ರೈ ಮೇರ್ ತುಳುನು ಕರ್ನಾಟಕದ ರಡ್ಡನೇ ಅಧಿಕೃತ ಭಾಷೆ ಮಲ್ಪೊಡು ಪನ್ದ್ ತುಳುಟೇ ಕೇಂಡೆರ್. ಉಂದೆಕ್ ವೇದವ್ಯಾಸ ಕಾಮತೆರ್ಲಾ ಒಟ್ಟು ಸೇರಿಯೆರ್. ಖಾದರ್ಲಾ ತುಳುಟೇ ಪಾತೆರಿಯೆರ್. ತುಳುಕು ಸ್ಥಾನಮಾನ ಇಜ್ಜಿ ಅಂಚ ನಿಕುಲು ಪಾತೆರಿಯರ್ಡಲಾ ರೆಕಾರ್ಡ್ ಡ್ ಪೋಪುಜಿ ಪನ್ದ್ ಕನ್ನಡದ ಶಾಸಕೆ ಒರಿ ಆಕ್ಷೇಪ ಮಲ್ತಿನೆನ್ ಗೆನ್ಪಂದೆ ಸ್ಪೀಕರ್ ಖಾದರ್ಲಾ ತುಳುಟೇ ಪಾತೆರಿಯೆರ್. ಅಶೋಕೆರ್ ಅವೆಕ್ ಉತ್ತರ ಕೊರ್ದು ಅಧಿಕೃತ ಸ್ಥಾನ ಇಜ್ಜಿಡ ಸ್ಥಾನ ಕೊರ್ಲೆ ಅದಗ ಎಂಕುಲು ಪಾತೆರಿನ ರೆಕಾರ್ಡ್ ಗ್ ಪೋಪುಂಡು ಪನ್ದ್ ಪನ್ಡೆರ್.

ವೇದವ್ಯಾಸ ಕಾಮತೆರ್ ಪಾತೆರ್ದ್, ಸುನೀಲ್ ಕುಮಾರ್ ಕನ್ನಡ ಸಚಿವೆರಾದಿಪ್ಪುನಗ ಮಾತಾ ಇಲಾಖೆರ್ದ್ NOC ಮಲ್ದೆರ್ ನನ ಕ್ಯಾಬಿನೆಟ್ ಗ್ ಕನವರೆ ಮಾತ್ರ ಬಾಕಿ. ಅವೆನೊಂಜಿ ಮಲ್ತ್ ತುಳುನು ಕರ್ನಾಟಕದ ರಡ್ಡನೇ ಭಾಷೆಯಾದ್ ಘೋಷಣೆ ಮಲ್ಪೊಡು ಪನ್ಡೆರ್.