ಪಡುಶೆಡ್ದೆ ಗ್ರಾಮಡ್ ಗ್ರಾಮದಕುಲು ಪ್ರತಿಭಟನೆ ಮಂತಿ ಬೊಕ್ಕ ಅಕುಲೇ ಕನತ್ ಪಾಡ್ದಿನ ಕಜವು ದೆಪ್ಪೆರೆ ಆದೇಶ ಕೊರ್ನ ಮೂಡುಶೆಡ್ಡೆ ಗ್ರಾಮ ಪಂಚಾಯತಿ ಅಧಿಕಾರಿಲು!

Last updated on August 3rd, 2023 at 08:23 pm

ಕರಿನ ಕೆಲವು ದಿನರ್ದಿಂಚ ಪಡುಶೆಡ್ಡೆ ಗ್ರಾಮಡ್ NMPT ಗ್ ಸೇರ್ದಿನ ನೀರ್ ಉಪ್ಪುನ ಕಲ್ಲ್‌ದ ಕೋರೆಡ್ ಮೂಡುಶೆಡ್ಡೆ ಗ್ರಾಮ ಪಂಚಾಯತಿದಕುಲು ಇಲ್ಲ್ ಇಲ್ಲರ್ದ್ ಸಂಗ್ರಹ ಮಂತಿನ ಕಜವುನ್ ಕೊನೊದ್ ಪಾಡೊಂದಿತ್ತೆರ್. ಉಂದೆರ್ದ್ ಸುತ್ತಮುತ್ತದ ಜಾಗೆ ಪೂರ ಮಲಿನ ಆತ್ಂಡ್. ಕಜವು ಕೊನೊದು ನೀರ್ ಗ್ ಪಾಡಿನೆರ್ದಾವರ ಅವ್ ನೀರ್ ಕುರಿದ್ಂಡ್. ಅವ್ ನೀರ್ ಪಡುಶೆಡ್ಡೆಗ್ ಪರತ್‌ದ್ ಪೋಪುನೆರ್ದಾವರ ಗ್ರಾಮ ದಕುಲು ಕೋಡೆ (19-07-23) ಪ್ರತಿಭಟನೆ ಮಂತೆರ್. ಅವ್ ನೀರ್ ಅಂಚೆನೆ ಬರೊಂದಿತ್ತ್ಂಡ ಬೆನ್ನಿ,ಪೆತ್ತ ಕೈ ಕಂಜಿಲೆಗ್ ತೊಂದರೆ ಆವ್ ಪಂದ್ ಗ್ರಾಮದಕುಲು ಪಂಡೆರ್.

ಅವೆರ್ದ್ ಬೊಕ್ಕ ಮೂಡುಶೆಡ್ಡೆ ಗ್ರಾಮ ಪಂಚಾಯತಿ ಅಧಿ‌ಕಾರಿಲು ಬತ್‌ದ್ ಕಜವುನ್ ದೆಪ್ಪಾವ ಪಂದ್ ಬರವಸೆ ಕೊರಿಯೆರ್. ಕಜವು ದೆಪ್ಪಾವುನ ಬೇಲೆ ನಡತೊಂದುಂಡು.