ಶಬರಿಮಲೆ ಅಯ್ಯಪ್ಪ ಸ್ವಾಮಿನ ಸನ್ನಿಧಾನೊಡು ಬಪ್ಪನಾಡ್ ಆಟದ ಮೇಳದ ತುಳು ಆಟ

Last updated on August 3rd, 2023 at 08:23 pm

ಇತಿಹಾಸೊಡೇ ಸುರುತ ಸಲ ಪನ್ಪಿಲೆಕ್ಕ ಶಬರಿಮಲೆ ಅಯ್ಯಪ್ಪ ಸ್ವಾಮಿನ ಸನ್ನಿಧಾನೊಡು ತುಳುನಾಡ ಜನಪದ ಕಲೆ ಮಾತ್ರ ಅತ್ತಂದೆ ತುಳು ಬಾಸೆಲಾ ಪುದರ್ ಮಲ್ತ್ಂಡ್.

ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದಶಾವತಾರ ಆಟದ ಮಂಡಳಿ ಮುಲ್ಕಿದ ಪುಗಾರ್ತೆದ ಕಲಾವಿದೆ ದಿನೇಶ್ ಕೊಜಪದವು ಮೆರೆನ ಸಂಯೋಜನೆಟ್ ಕ್’ಷೇತ್ರಪಾಲ ಉದ್ಧರಣ’ ಪನ್ಪಿ ತುಳು ಯಕ್ಷಗಾನ ಬಾರೀ ಪೊರ್ಲುದು ಮೂಡುದು ಬತ್ತ್ಂಡ್.

ಬುದಾರ ಬಯ್ಯಗ್ 5:30 ಕ್ಕ್ ಮುಕ್ಕಾಲ್ ಗಂಟೆ ಶಬರಿಮಲೆಟ್ ಆಟ ನಡತ್ಂಡ್. ಆಟ ಪಿರಿನೇ ಆಟದಕಲೆಗ್ ಅವ್ವೇ ಏಸೊಡು ದೇವರ ದರ್ಶನ ಮಲ್ಪರೆ ದೇವಲ್ಯದ ಆಡೊಲ್ತದಕುಲು ಅವಕಾಶ ಕೊರಿಯೆರ್. ಮೇಳೊಡು ಭಾಗವತೆರಾದ್ ಧೀರಜ್ ರೈ ಸಂಪಾಜೆ, ಮದ್ದೊಲಿಟ್ ರೋಹಿತ್ ಉಚ್ಚಿಲ, ಚೆಂಡೆಟ್ ಜಿತೇಶ್ ಕೋಳ್ಯೂರ್ ಇತ್ತೆರ್. ಕ್ಷೇತ್ರಪಾಲೆ ಆದ್ ದಿನೇಶ್ ಕೊಡಪದವು ಅಂಚೆನೆ ಉಲ್ಲಾಲ್ದಿಯಾದ್ ಕಾರ್ತಿಕ್ ಗಂಜಿಮಠ ಇತ್ತೆರ್.