Last updated on August 3rd, 2023 at 08:22 pm
ಪುತ್ತೂರು: ಗುಡ್ಡೆಗ್ ಕನಕ್ ಕನಯೆರ ಪೋತಿನ ಜನೊನು ಕುಡೊಲುಲು ಬಲಿ ಗೆತೊಂದಿನ ನಡಕೆ ಉಲಮೊಗ್ರು ಗ್ರಾಮೊದ ಕೈಕಾರ ಪನ್ಪಿನವುಲು ನಡತ್‌ದ್ಂಡ್.
ಕೈಕಾರ ನಿವಾಸಿ ಮಾಯಿಲ ಪನ್ಪಿನಾರೆನ ಮಗೆ ಗುರುವೆ(55ವ) ತೀರ್ದಿನಾರ್. ಮೇರ್ ಜುಲೈ 23ತಾನಿ ಮಧಾಹ್ನ ಕನಕ್‌ಗ್ ಬೋಡಾದ್ ಇಲ್ಲದ ಬರಿತ ಗುಡ್ಡೆಗ್ ಪೋತಿನಾರ್ ಅರ್ಧ ಗಂಟೆ ತೈರ್‌ದ್ ಗುಡ್ಡೆರ್ದ್ ಬಲ್ತೊಂದು ಬನ್ನಗ ಆರೆನ ಮೋನೆ, ನಾಲಿ, ಮೆಯಿ ಬಾತಿನ ಲೆಕ ತೋಜಿದ್‌ಬೈದ್ಂಡ್. ಈ ಬಗ್ಗೆ ಆರೆನ ಅಪ್ಪೆ ಮಾಯಿಲು ಕೇಂಡಿನಗ ಪಿಲಿಕುಡೊಲು ತುಚ್ಚಿದ್ಂಡ್ ಪಂದ್ ಗುರುವೆ ಪಂತೆರ್.
ಅಪಗನೆ ಆರೆನ್ ಪುತ್ತೂರು ಸರ್ಕಾರಿ ಆಸ್ಪತ್ರೆಗ್ ಲೆತೊಂದುಪೋಂಡಲಾ ಮರ್ದ್ ಪಲಿಪಂದೆ ರಾತ್ರೆ ತೀರ್ದೆರ್. ಸಂಪ್ಯ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.