Last updated on August 3rd, 2023 at 08:22 pm
ಕುಡ್ಲ: ಖಾಸಗಿ ಆಸ್ಪತ್ರೆದಕಲೆನ ಗೋಸ್ಮರಿರ್ದಾವರ ಬಂಜಿನಾರ್ ಒರ್ತಿ ತೀರ್ದೆರ್ ಪಂದ್ ಆರೋಪ ಮಲ್ತ್‌ದ್ ಕುಡ್ಲದ ಎ.ಜೆ. ಆಸ್ಪತ್ರೆಗ್ ಇಲ್ಲದಕುಲು ಮುತ್ತಿಗೆ ಪಾಡ್ದ್ ಮಲ್ಲ ಪ್ರತಿಭಟನೆ ಮಲ್ತಿನ ನಡಕೆ ನಡತ್‌ದ್ಂಡ್.
ಬೊಲ್ತೇರ್ ತಾಲೂಕ್‌ದ ಕುಕ್ಕೇಡಿದ ಶಿಲ್ಪಾ ಆಚಾರ್ಯ (36) ತೀರ್ದಿನ ಬಂಜಿನಾರ್, ಜುಲೈ 2ತಾನಿ ಬಂಜಿ ಬೇನೆ ಬತ್ತಿನೆರ್ದಾವರ ಶಿಲ್ಪಾನ್ ಆಸ್ಪತ್ರೆಗ್ ಸೇರಾದಿತ್ತೆರ್. ಆನಿ ಸಿಜೆರಿಯನ್ ಮಲ್ತ್‌ದ್ ಡೆಲೆವರಿ ಮನ್ಪೊಡುಂದ್ ಡ್ಯೂಟಿ ಡಾಕ್ಟರ್ ಪಂಡ್‌ದಿತ್ತೆರ್.
ಆಂಡ ಬೈದ್ಯೆ ವೀಣಾ ಪನ್ಪಿನಾರೆಗ್ ಕಾಲ್ ಮನ್ಪುನಗ ಐತಾರ ಆಯಿನೆರ್ದಾವರ ಬರ್ಯೆರಾಪುಜಿ ಪಂದ್ ಪಂದಿತ್ತೆರ್, ಅಂಚಾದ್ ಆನಿಯೇ ವೀಣಾ ಯ ಡಾಕ್ಟರ್ ಇಜ್ಜಂದೆ ಶಿಲ್ಪಾಗ್ ಬೇತೆ ಬೈದ್ಯೆರ್ ಸಿಜೆರಿಯನ್ ಮಲ್ತ್‌ದ್ ಡೆಲೆವರಿ ಮನ್ಪಾದೆರ್. ಪೊಣ್ಣು ಬಾಲೆ ಆದಿತ್ತ್ಂಡ್, ಆಂಡ ಗರ್ಭಕೋಶೊನು ದೆಪ್ಪೊಡಾಪುಂಡು ಪಂದ್ ಬೈದ್ಯೆರ್ ಪನ್ತೆರ್.
ರಡ್ಡ್ ದಿನ ಕರಿದ್ ಶಿಲ್ಪಾಗ್ ಜ್ವರ ಬೈದ್ಂಡ್ ಪಂದ್ ಮರ್ದ್ ಕೊರ್ತೆರ್, 5 ದಿನ ಕರಿದ್ ಬೈದ್ಯೆರ್ ಬ್ರೆನ್ ಮೇಜ‌ರ್ ಡ್ಯಾಮೇಜ್ ಆತ್ಂಡ್ಂದ್ ಪನ್ತೆರ್. ಜುಲೈ 25ಕ್ ಐಸಿಯುಡಿತ್ತಿನ ಶಿಲ್ಪಾ ತೀರ್ದೆರ್ ಪಂದ್ ಒಲವು ಕೊರ್ತೆರ್.
ಈ ಸಾವುಗು ಬೈದ್ಯೆರೆ ಗೋಸ್ಮರಿ ಅಂಚೆನೇ ಬೇತೆ ಬೈದ್ಯೆರೆರ್ದ್ ಡೆಲಿವರಿ ಮನ್ಪಾದಿನೆನ್ ಆರೋಪಿತ್‌ದ್ ಶಿಲ್ಪಾನ ಕಂಡನಿ ಪ್ರದೀಪ್ ಆಚಾರ್ಯೆರ್ ಕದ್ರಿ ಪೊಲೀಸ್ ಸ್ಟೇಷನ್‌ಗ್ ಒಯಿಲ್ ಕೊರ್ತೆರ್. ಎ. ಜೆ ಆಸ್ಪತ್ರೆದ ಬೈದ್ಯೆರ್, ಆಡಳಿತ ವರ್ಗ ಬೊಕ್ಕ ಸಿಬ್ಬಂದಿಲೆನ ಗೋಸ್ಮರಿಯೇ ಕಾರಣ ಪಂದ್ ಒಯಿಲ್ ಕೊರ್ತೆರ್.
ಇತ್ತೆಗ್ 174(3)(vi) ಸಿ.ಆರ್‌.ಪಿ.ಸಿ ದಂಚ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್. ಇನಿ ಪೋಸ್ಟ್ ಮಾರ್ಟಮ್‌ಗ್ ಸರ್ಕಾರಿ ವೆನ್ ಲಾಕ್ ಆಸ್ಪತ್ರೆಗ್ ಪುನ ಕೊಂಡೊಯೆರ ಪಿದಡ್ನಗ ಎ.ಜೆ. ಆಸ್ಪತ್ರೆದ ಬರಿಟ್ ಪುನೊನು ಉಂತಾದ್ ಸಂಬಂಧಿಕೆರ್, ಸಾರ್ವಜನಿಕರ್ ಆಕ್ರೋಶ ತೂಪಾದೆರ್.
ಆಸ್ಪತ್ರೆ ಆಡಳಿತ ಮಂಡಳಿದಕುಲು ಬರೊಡುಂದು ಬರ್ಸೊಡೇ ಉಂತುದು ಪ್ರತಿಭಟನೆ ಮಲ್ದೆರ್. ಈ ಪೊರ್ತುಡು ಅಂಬ್ಯುಲೆನ್ಸ್‌ನ್ ಉಂತಾದಿನ ಪ್ರತಿಭಟನಾಕಾರೆರ್ ಬೊಕ್ಕ ಪೊಲೀಸೆರೆ ಎಲ್ಯ ಮಚ್‌ಮಚ್ ಆತ್ಂಡ್. ನೂಕಾಟವಾಗಿದೆ. ಕಡೆಕ್‌ಲಾ ಪೊಲೀಸ್ ಬಲ ಗಲಸ್‌ದ್ ಪೋಸ್ಟ್ ಮಾರ್ಟಮ್‌ಗ್ ಕಡಪುಡ್ದೆರ್.