Last updated on August 3rd, 2023 at 08:21 pm
ಸುಲಿಗೆ ಪ್ರಕರಣೊಡು 23 ವರ್ಸೊರ್ದಿಂಚಿ ದೆಂಗ್‌ತಪ್ಪಾದಿತ್ತಿನ ಆರೋಪಿನ್ ಕುಡ್ಲ ನಗರ ಪೊಲೀಸೆರ್ ಕೈದ್ ಮಲ್ದಿನ ಬಗ್ಗೆ ವರದಿ ಆತ್ಂಡ್.
ಕೈದಾತಿನ ಆರೋಪಿನ್ ಉಳ್ಳಾಲದ ಬಶೀರ್(51) ಪಂದ್ ಗುರ್ತಪತ್ತ್‌ದೆರ್. ಉ್ಂಬ್ಯನ್ ನ್ಯಾಯಂತಡೆಗ್ ಹಾಜಿರಿ ಮನ್ಪಾದ್, ನ್ಯಾಯಾಂಗ ಕೈದ್‌ದ ಆದೇಶ ಕೊರ್ತೆರ್ ಪಂದ್ ತೆರಿದ್‌ಬೈದ್ಂಡ್.
2000, ಡಿಸೆಂಬರ್ 17ತ ರಾತ್ರೆ ಪೊಂಜೊವು ಒರ್ತಿನ್ ಅಡ್ಡಕಟ್ಟ್‌ದ್ ಆರೋಪಿಲು ಬೀಸತ್ತಿ ತೋಜಾದ್ ಕಂಟೆಲ್‌ಡಿತ್ತಿನ ಕರಿಮಣಿನ್ ಕಡ್ತ್ ಪತೊಂದು ಪದ್ರಾಡಾತಿನ ಪ್ರಕರಣೊಗು ಸಂಬಂಧಿತಿನ ಉರ್ವ ಪೊಲೀಸ್ ಸ್ಟೇಷನ್‌ಡ್ ಅಕ್ರ 130/2000 ಕಲಂ: 392 ಐಪಿಸಿ ಸೆಕ್ಷನ್‌ದ ಅಡಿಟ್ ಪ್ರಕರಣ ದಾಕಲಾದಿತ್ತ್ಂಡ್.
ಈ ಪ್ರಕರಣೊಡು ಹುಸೇನ್, ಮೊಹಮ್ಮದ್ ಹುಸೇನ್, ಬಶೀರ್ ಬೊಕ್ಕ ಮೊಯ್ದೀನ್ ಕುದ್ರೋಳಿ ಪನ್ಪಿನಕಲೆನ ಪುದರಿತ್ತ್‌ದ್, ಹುಸೇನ್, ಮೊಹಮ್ಮದ್ ಹುಸೇನ್ ಬೊಕ್ಕ ಮೊಯ್ದೀನ್ ಕುದ್ರೋಳಿ ಮೊಕಲೆನ್ ಅಪಗನೇ ಪತ್ತ್‌ದಿತ್ತೆರ್.
ದೆಂಗ್‌ತಪ್ಪಾದಿತ್ತಿನ ಆರೋಪಿ ಬಶೀರ್‌ನ ವಿರುದ್ದ ನ್ಯಾಯಂತಡೆ ಉದ್ಘೋಷಣೆ ಪಿದಾಡ್ಪಾದಿತ್ತ್ಂಡ್. ಆಂಡ ನ್ಯಾಯಂತಡೆಗ್ ಬರಂದೇ ದೆಂಗ್‌ತಪ್ಪಾದಿತ್ತಿನ ಆರೋಪಿನ್ ಕೋಡೆ, ಜುಲೈ 26ತಾನಿ ಕೈದ್ ಮಲ್ದ ಪಂದ್ ನಗರ ಪೊಲೀಸ್ ಆಯುಕ್ತೆರೆ ಪ್ರಕಟಣೆ ತೆರಿಪಾದ್ಂಡ್.