Last updated on August 3rd, 2023 at 08:21 pm
ತಾರಮರ ಗಾಡಿ ಬುಡ್ಪಿನಿ, ಲೆಕ್ಕ ಮೀರ್ದ್ ಬೀಸ ಡ್ರೈವಿಂಗ್ ಮಲ್ಪುನು ಇಂಚಿನ ಬೇತೆ ಬೇತೆ ಸಂಚಾರ ನಿಯಮೊಲೆನ್ ಉಲ್ಲಂಘನೆ ಅಪರಾದೊಲೆಗ್ ಗೋಡಿನಂಚಿನ 222 ಡ್ರೈವಿಂಗ್ ಲೈಸೆನ್ಸ್ ಲೆನ್ ಕ್ಯಾನ್ಸಲ್ ಮಲ್ಪರೆ ಕುಡ್ಲ ಪೊಲೀಸೆರ್ RTOಗ್ ಓಲೆ ಬರೆತೆರ್. ಜುಲೈ 13 ಬೊಕ್ಕ ಜುಲೈ 26 ತ್ತ ನಡುಟು ಈ ಅಪರಾಧೊಲು ದಾಖಲಾತ್ಂಡ್ ಪನ್ದ್ ಪೊಲೀಸೆರ್ ತೆರಿಪಾದೆರ್.
ಕಮಿಷನರೇಟ್ ವ್ಯಾಪ್ತಿಡ್ ಒಟ್ಟಾರೆ ಗಾಡಿ ಬುಡ್ಪಿನ ಅಂಚೆನೆ ಸಂಚಾರ ನಿಯಮೊಲೆನ್ ಮೀರುನಕಲೆನ ವಿರುದ್ಧ ಗಟ್ಟಿ ಕಿರಮ ದೆತೊನ್ದು ಡ್ರೈವರ್ ಅಂಚೆನೆ ಪ್ರಯಾಣಿಕೆರೆಡ ಜಾಗೃತಿ ಪುಟ್ಟಾವುನ ಅಗತ್ಯವಾದುಂಡು ಪನ್ದ್ ಕುಡ್ಲ ಪೊಲೀಸ್ ಆಯುಕ್ತೆ ಕುಲದೀಪ್ ಕುಮಾರ್ ಜೈನ್ ಪ್ರಕಟಣೆಟ್ ತೆರಿಪಾದೆರ್.
ಸುಪ್ರೀಂ ಕೋರ್ಟ್ ನಿರ್ದೇಶನದಲೆಕ್ಕೊ, ಭಾರತೀಯ ದಂಡ ಸಂಹಿತೆ (ಐಪಿಸಿ) ಬೊಕ್ಕ ಮೋಟಾರ್ ಬಂಡಿ ಕಟ್ಲೆದಟಿಟ್ ಕ್ರಮ ದೆತೊನುಂಡು ಪನ್ದ್ ಆರ್ ಪನ್ತೆರ್.