Last updated on August 3rd, 2023 at 08:21 pm
ಕುಡ್ಲ: ಮಾದಕ ಸೊತ್ತು ಎಂಡಿಎಂಎನ್ ಕಾರ್‌ಡ್ ದೀವೊಂದು ಸಾರ್ವಜನಿಕೆರೆಗ್ ಮಾರೊಂದಿತ್ತಿನ ಆರೋಪಡ್ ಜವನನೊರ್ಯನ್ ಕುಡ್ಲ ಸಿಸಿಬಿ ಪೊಲೀಸೆರ್ ಕೈದ್ ಮಲ್ದೆರ್.
ಬೋಳಿಯಾರ್ ಗ್ರಾಮೊದ ಆರೀಫ್ (28) ಕೈದಾತಿನ ಆರೋಪಿ ಪಂದ್ ಪೊಲೀಸೆರ್ ತೆರಿಪಾದೆರ್.
ಉ್ಂಬ್ಯೆ ಮುಡಿಪು ಕಂಬಳಪದವು ಕೆಐಡಿಬಿ ರೋಡ್‌ದಲ್ಪ ಕಾರ್‌ಡ್ ಎಂಡಿಎಂಎ ಮಾದಕ ಸೊತ್ತುನು ಸಾರ್ವಜನಿಕೆರೆಗ್ ಮಾರೊಂದಿತ್ತಿನ ಬಗ್ಗೆ ಪತ್ತ ಒಲವು ಇತ್ತಿನ ಕುಡ್ಲ ಸಿಸಿಬಿ ಪೊಲೀಸೆರ್ ಕೈದ್ ಮಲ್ದೆರ್.
ಆರೋಪಿ ಕೈರ್ದ್ 25 ಗ್ರಾಂ ತೂಕೊದ 1,25,000 ರೂಪಾಯಿ ಮೌಲ್ಯೊದ ಎಂಡಿಎಂಎ ಮಾದಕ ಸೊತ್ತು, ಮಾರುತಿ ಅಲ್ಟೋ 800 ಕಾರ್, ಮೊಬೈಲ್ ಫೋನ್, ಡಿಜಿಟಲ್ ಸ್ಕೇಲ್‌ಲೆನ್ ವಶೊಕು ಗೆತೊಂದೆರ್. ಈತೆತ ಒಟ್ಟು ಮೌಲ್ಯ 6,35,500 ರೂಪಾಯಿ ಆವು ಪಂದ್ ಅಂದಾಜಿ ಪಾಡ್ದೆರ್. ಆರೋಪಿನ ವಿರುದ್ಧ ಕೊಣಾಜೆ ಪೊಲೀಸ್ ಸ್ಟೇಷನ್‌ಡ್ ಪ್ರಕರಣ ದಾಕಲಾತ್ಂಡ್.
ಕಾರ್ಯಾಚರಣೆಡ್ ಸಿಸಿಬಿ ಘಟಕೊದ ಇನ್‌ಸ್ಪೆಕ್ಟರ್ ಶ್ಯಾಮ್ ಸುಂದರ್ ಹೆಚ್‌ಎಂ, ಎಸ್ಸೈ ರಾಜೇಂದ್ರ ಬಿ., ಸುದೀಪ್ ಎಂವಿ, ಶರಣಪ್ಪ ಭಂಡಾರಿ, ನರೇಂದ್ರ ಪಾಲ್‌ಗೆತೊಂದಿತ್ತೆರ್.