Last updated on August 3rd, 2023 at 08:21 pm
ಕುಡ್ಲ: ಪಲ್ಲದ ನೀರ್‌ಡ್ ಮುರ್ಕುದ್ ಜವನೆರಿರ್ವೆರ್ ತೀರ್ದಿನ ನಡಕೆ ಐತಾರ ಬಯ್ಯಡ್ ಪಡೀಲ್ ಅಳಪೆ ಪಡ್ಪು ರೈಲ್ವೇ ಬ್ರಿಡ್ಜ್‌ದಲ್ಪ ನಡತಿನ ವರದಿಯಾತ್ಂಡ್.
ಅಳಪೆ ಪಡ್ಪು ರೆಂಜ ನಿವಾಸಿ ವರುಣ್ (27) ಬೊಕ್ಕ ಎಕ್ಕೂರು ಕೆಎಚ್‌ಬಿ ಕಾಲನಿ ನಿವಾಸಿ ವೀಕ್ಷಿತ್ (28) ತೀರ್ದಿನ ಜವನೆರ್. ವರುಣ್ ಡ್ರೈವರ್ ಬೇಲೆ ಮಲ್ತೊಂದಿತ್ತ್‌ದ್, ವೀಕ್ಷಿತ್ ಮೆಡಿಕಲ್ ರೆಪ್ ಆದ್ ಬೇಲೆ ಮಲ್ತೊಂದಿತ್ತೆರ್ ಪಂದ್ ತೆರಿದ್‌ಬೈದ್ಂಡ್.
ಕೋಡೆ ಬಯ್ಯಡ್ 5 ಗಂಟೆದ ಅಂದಾಜಿಗ್ 6 ಜನ ಪಾಸಾಡಿಲು ಒಟ್ಟಾದ್ ಕ್ರಿಕೆಟ್ ಗೊಬ್ಬೆರೆ ಪೋದಿತ್ತೆರ್. ಈ ಪೊರ್ತುಡು ವರುಣ್ ಬೊಕ್ಕ ವೀಕ್ಷಿತ್ ರೈಲ್ವೇ ಟ್ರಾಕ್ ಬರಿತ ಪಲ್ಲದ ಕರೆಟ್ ಕುಲ್ದಿತ್ತೆರ್. ಒರಿನಕುಲು ಕ್ರಿಕೆಟ್ ಮೈದಾನೊಗು ಪೋತೆರ್. ಇರ್ವೆರೆನ್ಲಾ ಗೊಬ್ಬೆರೆ ಲೆತ್ತ್ಂಡಲಾ, ಎಂಕ್ಲು ಬರ್ಪುಜ ಪಂದ್ ಪನ್ತೆರ್ಂದ್ ತೆರಿದ್‌ಬೈದ್ಂಡ್.
ಪಲ್ಲದ ಕರೆಬರಿಟ್ ಕುಲ್ದಿತ್ತಿನ ವರುಣ್ ಎಂಚನಾ ನೀರ್‌ಗ್ ಬೂರ್ದೆರ್, ಉ್ಂದೆನ್ ತೂಯಿನೇ ವೀಕ್ಷಿತ್ ವರುಣ್‌ನ್ ಮಿತ್ತ್ ದೆರ್ಪೆರ ಪಲ್ಲಗ್ ಲಾಗಿದೆರ್. ಆಂಡ ಪಲ್ಲಡ್ ಮೊಲಂಪು ದಿಂಜಿದಿತ್ತಿನೆರ್ದಾವರ ರಡ್ಡ್ ಜನಲಾ ನೀರ್‌ಡ್ ಮುರ್ಕುದೆರ್. ವಿಷಯ ತೆರಿನೇ ಮುಟ್ಟದಕುಲ್ಲಾ ಅಡೆಗ್ ಬತ್ತ್ ದ್ ನಾಡೆರ ಪತ್ತ್ಂಡಲಾ ಒವ್ವೇ ಪ್ರೇಜನ ಆತಿಜಿ. ಬೊಕ್ಕ ಅಗ್ನಿಶಾಮಕ ದಳೊಕು ಒಲವು ಕೊರ್ದು, ಅಕುಲು ಬತ್ತ್‌ದ್ ಕಾರ್ಯಾಚರಣೆ ಮಲ್ತ್‌ದ್ ಇರ್ವೆರ್ನ ಪುನೊನ್ಲಾ ಪಿದಯಿ ಗೆತ್ತ್‌ದೆರ್.