ಕುಡ್ಲ ಸ್ಮಾರ್ಟ್ ಸಿಟಿ ಬೇಲೆಲು ಪಿರ ಬೂರೊಂದುಲ್ಲ : ದಿನೇಶ್ ಗುಂಡೂರಾವ್

Last updated on August 3rd, 2023 at 08:17 pm

ಕುಡ್ಲ ಜಿಲ್ಲೆದ ಉಸ್ತುವಾರಿ ಮಂತ್ರಿಲಾಯಿನ ದಿನೇಶ್ ಗುಂಡೂರಾವ್ ಅಂಗಾರೆ ಪಾತೆರ್ದ್, ಕುಡ್ಲದ ಸ್ಮಾರ್ಟ್ ಸಿಟಿ ಬೇಲೆದ ಯೋಜನೆಲು ಪೂರಾ ಪಿರ ಬೂರೊಂದುಲ್ಲ ಪನ್ದ್ ಪನ್ಡೆರ್. ನೀರಮೂಲೊಲೆನ ಬುಲೆಚ್ಚಿಲ್ದ ಬೇಲೆಲು ನನಲ ಸುರು ಆತಿಜಿ, ಕೆಲವು ರೋಡುಲೆನ್ ಮಲ್ಪರೆ ಈತ್ಲಾ ಪೊರ್ತಪ ದಾಯೆಗ್ ಪೋಯಿನಿ ಪನ್ದ್ ಅಧಿಕಾರಿಲೆಗ್ ಕೇನ್ಪು ಕೇನ್ಡೆರ್.

ರೋಡುಲೆನ ಜಾಗೆಲೆನ ವಿಷಯೊರ್ದಾತ್ರ ಬೇಲೆ ಪಿರ ಬೂರುಂಡು ಪನ್ದ್ ಅಧಿಕಾರಿಲಾಯಿನ ಕೆ.ಎಸ್ ಅರುಣಪ್ರಭಾ ಮೇರ್ ಪನ್ಡೆರ್. ಸುರು ದಿನ ನಿಗಂಟ್ ಮಲ್ದಿನ ಲೆಕ್ಕೊಡು ಉಂದು ಪೂರಾ ಜೂನ್ 2023ಕ್ಕ್ ಅಗಪೊಡಿತ್ತ್ಂಡ್, ಆಂಡ ಇತ್ತೆ ಕೆಲವು ಈ ಡಿಸೆಂಬರ್ ಗ್ ಬೊಕ್ಕ ಕೆಲವು ಬರ್ಪಿ ವರ್ಸ ಮಾರ್ಚಿದುಲಾಯಿ ಅಗಪುಂಡು ಪನ್ದ್ ತೆರಿಪಾಯೆರ್.

ಹಂಪನಕಟ್ಟೆಡ್ ಮಲ್ತೊಂದಿಪ್ಪುನ ಮಸ್ತ್ ಅಟ್ಟೆದ ಕಾರ್ ಪಾರ್ಕಿಂಗ್ 2024 ಸಪ್ಟೆಂಬರ್ ಗ್ ಅಂಚೆನೆ ಸೆಂಟ್ರಲ್ ಮಾರ್ಕೆಟ್ ಕಟ್ವಾನ 2026 ಜನವರಿಗ್ ಆಪುಂಡು ಪನ್ದ್ ತೆರಿಪಾಯೆರ್.