Last updated on August 7th, 2023 at 07:27 pm
ಕನ್ನಡ ಚಿತ್ರನಟೆ ವಿಜಯ ರಾಘವೇಂದ್ರೆರ್ನ ಬೊಡೆದಿ ಸ್ಪಂದನಾ ಮೇರ್ ಹೃದಯಾಘಾತವಾದ್ ತೀರಿನ ಸುದ್ದಿ ಇಡೀ ಕರ್ನಾಟಕೊಗು ಕರ್ನಾಟಕನೇ ಗದ್ದಾದ್ಂಡ್. ಇಂಚಪ್ಪೊಗು ಜಕ್ಕಡ್ ಜವನೆರ್ ಹೃದಯಾಘಾತವಾದ್ ತೀರುನವು ಅಪಗಪಗ ಕೇನೊಂದುಲ್ಲ. ಪಿದಯೂರುಗು ತಿರ್ಗರೆ ಪೋದಿಪ್ಪುನಗ ಮೆರೆಗ್ ಹೃದಯಾಘಾತ ಆತ್ಂಡ್. ಮೆರೆನ ಕಂಡನೆ ವಿಜಯರಾಘವೇಂದ್ರೆ ಅಂಚೆನೆ ಮಗೆ ಶೌರ್ಯೆ ಭಾರತೊಡೇ ಇತ್ತೆರ್. ಎಲ್ಲೆ ಮೆರೆನ ಪುನ ಭಾರತೊಗು ಬರ್ಪುಂಡು ಪನ್ದ್ ತೆರಿದ್ ಬೈದ್ಂಡ್.
ಸ್ಪಂದನಾ ಮೆರೆಗ್ ತುಳುತ ಅಂಚೆನೆ ತುಳುನಾಡ್‌ದ ಮಿತ್ತ್ ಬಾರೀ ಮೋಕೆ. ಮೆರೆನ ಪೆರಿಯಾಕ್ಲೆ ಇಲ್ಲ್ ಬೊಲ್ತೇರ್‌ಡ್. ಮೇರ್ ಕನ್ನಡದ ಆನನ್ ಮದ್ಮೆ ಆದ್, ಆರೆಗ್ ತುಳು ಕಲ್ಪಾದ್ ತುಳುನಾಡ್‌ದ ಸಂಸ್ಕೃತಿದ ಬಗೆಟ್ ಕಲ್ಪಾದಿತ್ತೆರ್. ಅರೆನ ಕುಟುಮೊಗು ಕೈತಲ್ ಇತ್ತಿನ ಒರಿ ಪನ್ಡಿನ ಲೆಕ್ಕೊಡು ಸ್ಪಂದನಾ ಮೇರ್ ಮದ್ಮೆ, ಬಾಯ್ಕೆ, ಇಲ್ಲೊಕ್ಕೆಲ್ ಇಂಚ ಒವ್ವೇ ಎಡ್ಡೆಮಿಲ್ಲಿ ತುಳುನಾಡ್‌ಡ್ ಆಂಡಲ ಕಂಡನನ್ ಲೆತೊಂದು ಬರೊಂದಿತ್ತೆರ್ ಪನ್ದ್ ಪನ್ಡೆರ್. ಮೆರೊನ ಅಮ್ಮೆರ್ ಪುಗಾರ್ತೆದ ಪೋಲೀಸ್ ಅಧಿಕಾರಿ ಬಿ.ಕೆ ಶಿವರಾಂ, ಮೆರೆನ ಪಲಯನ ಪುದರ್ ರಕ್ಷಿತ್ ಶಿವರಾಂ ಪನ್ದ್ ಮೇರ್ ಈ ಸಲ ಬೊಲ್ತೇರ್ ವಿಧಾನಸಭಾ ಕ್ಷೇತ್ರೊಡು ಕಾಂಗ್ರೇಸ್ ಟಿಕೆಟ್ ಡ್ ಓಟುಗು ಉಂತುದಿತ್ತೆರ್.