ಬೆಂಗಳೂರುಡು ಕಂಬುಲ ಮಲ್ಪರೆ ತುಳುಕೂಟ ಅಟ್ಟನೆ

Last updated on August 8th, 2023 at 07:31 am

ನವೆಂಬರ್ ತಿಂಗೊಲುಡು ತುಳುನಾಡ ಕಂಬುಲ ಬೆಂಗಳೂರುದ ಪ್ಯಾಲೇಸ್ ಗ್ರೌಂಡುಡು ನಡಪರೆ ಅಟ್ಟನೆ ಮಲ್ತ್‌ದ್ಂಡ್. ತುಳುನಾಡ ಸೀಮೆ ಬುಡ್ದ್ ತುಳುನಾಡ ಎರುಕುಲು ಪೂರಾ ಗಟ್ಟ ಮಿತ್ತಾರರೆ ರೆಡಿ ಆತ್ಂಡ್.

ಬೆಂಗಳೂರು ತುಳು ಕೂಟದ ಸ್ವರ್ಣಮಹೋತ್ಸವದ ಗೌಜಿಗ್ ತುಳುಕೂಟದಕುಲು ಕಂಬುಲೊನು ತುಳುನಾಡ್ ಮಾತ್ರ ಅತ್ತ್ ಪಿದಯಿಲಾ ಪಸೆರೊಡು ಪನ್ಪಿ ಉದ್ದೇಶೊಡು ಬೆಂಗಳೂರುಡು ಕಂಬುಲ ಮಲ್ಪರೆ ಪಿದಡ್ದೆರ್. ಪುತ್ತೂರು ಎಂಎಲ್ಎ ಅಶೋಕ್ ರೈಕುಲೆನ ಸುದಾರ್ಮೆಡ್ ಈ ಕಂಬುಲೊಗು ಬೋಡಾಪಿನ ಅಟೇಟನೊಲು ನಡಪುವ. ಮೈಸೂರು ರಾಜ ಪರಿವಾರದಕುಲು ಪ್ಯಾಲೇಸ್ ಗ್ರೌಂಡುನು ಉಂದೆಕ್ ಗಲಸರೆ ಒತ್ತೊಂದೆರ್. ಈ ಕಂಬುಲೊಗು ಜಯಚಾಮರಾಜೇಂದ್ರ ಒಡೆಯರ್ ಜೋಡುಕರೆ ಕಂಬುಲ ಪನ್ದ್ ಪುದರ್ ದೀತೆರ್.

ತುಳುನಾಡ್ ಬುಡ್ದ್ ಬೇತೆ ಕಡೆಟ್ ಕಂಬುಲ ಮಲ್ಪರೆ ಬಲ್ಲಿ ಪನ್ದ್ ಕೆಲವು ತುಳುವೆರ್ ಸೋಶಿಯಲ್ ಮೀಡಿಯಾಡ್ ವಿರೋಧಲಾ ಪಾತೆರೊಂದುಲ್ಲೆರ್. ಕಂಬುಲಲಾ ತುಳುನಾಡ ಸೀಮೆ ಬುಡ್ದ್ ಪೋಂಡ, ಅವ್ ಇಂಚಪ್ಪೊಗು ದೈವಾರಾಧನೆಗ್ ಆಯಿಲೆಕ್ಕನೇ ಮಕ್ಕರ್‌ಲು ಪೂರಾ ಸುರು ಆವಿ ಪನ್ಪಿನ ಅಕಲೆನ ವಾದ.